Samfélagsmiðlar

Vinsælasta víðavangshlaupið í Stokkhólmi

Það er löng hefð fyrir Lindingö hlaupinu og í haust er búist við hátt í 37 þúsund hlaupurum.

Þó margir taki þátt í Lidingöhlaupinu þá dreifist fjöldinn vel eftir brautinni. Í 30 km hlaupinu er pláss fyrir rétt um 20 þúsund hlaupara.

Segja má að íbúafjöldinn á Lidingö fari nálægt því að tvöfaldast helgina sem víðavangshlaupið, sem við eyjuna er kennt, fer fram. Það er því stríður straumur fólks sem fer frá Ropsten lestarstöðinni í austurhluta Stokkhólms og yfir brúna til Lidingö þessa þrjá hátíðardaga. Heimamenn tryggja þó að samgöngurnar gangi vel fyrir sig og bjóða upp á tíðar og ókeypis strætóferðir yfir á mótsvæðið og aftur tilbaka.

Og það er ekki að ósekju að Lidingöloppet hefur náð svona miklum vinsældum því þarna gefst íbúum sænsku höfuðborgarinnar tækifæri á að hlaupa eftir fallegum skógarstígum sem liggja upp og niður og í allar áttir en samt er brautin aðeins stuttan spöl frá miðborg Stokkhólms.

Í fyrra tóku 37 þúsund manns í Lidingöloppet, eins og það kallast á sænsku, og búist er við álíka fjölda í ár. Aðalkeppnin nær yfir 30 kílómetra og telst hún vera „Sænskur klassíker“ og er því í hópi með ekki ómerkari þolraunum en hinni 300 km löngu hjólaleið í kringum Vattern og Vasagöngunni víðfrægu. Þessi heiðurs sess sem Lidingöhlaupið hefur fengið gerir það að verkum að fólk kemur víða að til að taka þátt og í ár er búist við keppendum frá hátt í níutíu þjóðu. Þar af verða vafalítið ófáir Íslendingar enda margir landar okkar búsettir í Stokkhólmi.

Sem fyrr segir er lengsta brautin þrjátíu kílómetrar og hlaupið því nokkru styttra en fullt maraþon en engu að síður ráðleggur Niklas Gabrielsson, hjá Lidingöloppet, fólki að æfa vel fyrir og sérstaklega brekkuhlaup. „Bæði upp og niður,” bætir hann við. Niklas biður líka þá lesendur Túrista sem ætla að hlaupa um Lindingö í haust að gefa sér tíma til að horfa í kringum sig og njóta útsýnisins og náttúrunnar.

Lidingöhlaupið fer fram síðustu helgina í september og það borgar sig að skrá sig tímalega. Hægt er velja á milli ólíkra vegalengda en bæði 15km og 30km hlaupið fara fram á laugardeginum sem er heppilegt fyrir þá hlaupara sem ætla að nýta tímann til að skoða Stokkhólm í leiðinni.

Nú bjóða þrjú flugfélög upp á áætlunarflug til Stokkhólms frá Keflavíkurflugvelli; Icelandair, WOW air og Norwegian. Það ætti því að vera hægt að finna ódýra flugmiða en áður en þeir eru bókaðir eru vissara að tryggja sér númer í hlaupinu vinsæla. Þátttökugjaldið er rétt um 800 sænskar kr. eða tæpar 10 þúsund íslenskar.


Frá fimmtudegi til sunnudags er hægt að fá ódýrara far með Arlanda Express hraðlestinni frá flugvellinum og niður í bæ. Sjá hér

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …