Samfélagsmiðlar

8 manna sveit fylgist með ólöglegri heimagistingu

Sérstakir starfsmenn á vegum Sýslumannsins á höfuðborgarsvæðinu eiga að ganga á milli húsa þar sem leikur grunur á ólöglegri skammtímaleigu.

airbnb a

Ríkisstjórnin samþykkti á fundi sínum í gærmorgun að veita 64 milljónum í 12 mánaða átak sem snýr að hertu eftirliti með heimagistingu. Þetta kom fram í fréttum RÚV og þar var haft eftir Þórdísi Kolbrún Reykfjörð Gylfadóttur, ferðamálaráðherra, að hún hafi að undanförnu átt viðræður við hlutaðeigandi aðila um hvernig megi auka eftirlit með heimagistingu þannig að regluverkið um þessa starfsemi virki sem skyldi.

Með þessari aukafjárveitingu fær Sýslumaðurinn á höfuðborgarsvæðinu meðal annars til sín átta starfsmenn en fjórir þeirra eiga að sinna vettvangsrannsóknum á grundvelli ábendinga sem berast. Til samanburðar má geta að í Barcelona fer 40 manna sveit um götur borgarinnar til að fylgjast með þeim 16 þúsund gistirýmum sem Airbnb hefur á sínum snærum í höfuðborg Katalóníu. Hér á landi eru gistirýmin tæplega 5 þúsund. Íslenska Airbnb sveitin þarf því að fylgjast með færri gistingum en hins vegar um allt land á meðan þau í Barcelona einbeita sér bara að borginni sjálfri.

Í frétt RÚV var það haft eftir ráðherra ferðamála svona eftirlit sé vandmeðfarið. Tilgangurinn sé að fá fólk sem er að leigja íbúð eða herbergi undir níutíu daga til að skrá sig og að þeir sem eru gera umfram það fari annað hvort undir níutíu dagana eða skrái starfsemina sem atvinnurekstur. „Við viljum sjá heilbrigt samkeppnisumhverfi og verðum að gera allt sem í okkar valdi stendur til að tryggja það.“ Það þarf síðan, að mati ráðherra, að finna einhverja lausn til framtíðar. Þær viðræður séu í fullum gangi og verið sé að stilla þá strengi betur saman. „En ég hef hvergi heyrt neina töfralausn.“

Ráðherra skattamála í Danmörku telur sig hins vegar hafa fundið lausn sem geti virkað því Airbnb hefur heitið að afhenda dönskum skattayfirvöldum upplýsingar um greiðslur til danskra leigusala. Samkvæmt svari frá upplýsingafulltrúa Airbnb í Danmörku þá gæti þessi lausn orðið fyrirmynd að samkomulagi við yfirvöld hér á landi og víðar. Þrátt fyrir ítrekaðar tilraunir hefur Túristi ekki fengið viðbrögð frá íslenska fjármálaráðuneytinu við því. Eins fást ekki svör hvort einhverjar viðræður eigi sér stað við bandarísku gistimiðlunina sem hefur verið mjög umsvifamikil á íslenska gistimarkaðnum síðustu ár.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …