Samfélagsmiðlar

Flýta jómfrúarferðinni frá Vínarborg

Samgöngubótin sem boðuð var milli Íslands og Austurríkis verður fyrr á ferðinni en fyrstu áætlanir gerðu ráð fyrir.

vin2

Frá Vínarborg.

Í sumar verður úrvalið af flugferðum héðan til Austurríkis helmingi minna en áður. Skrifast það á brotthvarf FlyNiki en rekstur þessa austurríska flugfélags stöðvaðist í vetur þegar móðurfélagið, hið þýska Airberlin, varð gjaldþrota. FlyNiki hafði um árabil boðið upp næturflug frá Keflavíkurflugvelli yfir sumarmánuðina í samkeppni við leiguflugfélagið Austrian Holidays. Það síðarnefnda er nú eitt um flugleiðina en sinnir henni aðeins fram í ágúst og þá leggst af allt beint flug héðan til Austurríkis. Um jólin hefjast svo vikulegar ferðir WOW air með skíðaáhugafólk til Salzburg en engar ferðir hafa verið í boði til Vínarborgar yfir vetrarmánuðina.

Á því verður hins vegar breyting í lok næsta vetrar því stjórnendur ungverska lággjaldaflugfélagsins Wizz Air hafa ákveðið að hefja Íslandsflug félagsins frá Vínarborg fyrr en áður hafði verið áformað. Upphaflega var jómfrúarferðin til Keflavíkurflugvallar á dagskrá í lok mars, þegar sumaráætlunin fyrir árið 2019 hefst, en henni hefur verið flýtt til 16. febrúar. Í svari flugfélagsins, við fyrirspurn Túrista, segir að ástæðan fyrir þessu sé einfaldlega sú að eftirspurn eftir flugi milli Vínarborgar og Reykjavíkur hafa verið mikil. „Við erum ánægð með að geta hleypt flugleiðinni af stokkunum fyrr en áætlanir gerðu ráð fyrir,“ segir jafnframt í svarinu.

Hallar á Austurríkismenn

Í samanburði við Sviss þá hefur framboð á flugi hingað frá Austurríki verið lítið og það kann að vera ein helsta skýringin á því að síðastliðið sumar komu hingað rétt um 16 þúsund Svisslendingar en tæplega 10 þúsund Austurríkismenn samkvæmt talningu Ferðamálastofu. Í vor hafa komið hingað að jafnaði nærri sextán hundruð Svisslendingar á mánuði en tæplega átta hundruð Austurríkismenn. Þjóðirnar tvær eru nánast jafn fjölmennar.

Gætu fengið samkeppni um farþegana

Það er ekki ólíklegt að Wizz air fái samkeppni fyrr en síðar á þessari nýju flugleið félagsins. Breska lággjaldaflugfélagið easyJet, sem hefur verið stórtækt á Keflavíkurflugvelli, er að koma sér fyrir í Vín og gæti því hæglega bætt við flugi hingað. En líkt og Túristi greindi frá í síðustu viku þá mun easyJet halda úti flugi milli Íslands og svissnesku borgarinnar Basel í allan vetur. Það má líka gera ráð fyrir að íslensku flugfélögin horfi til Vínarborgar og þá sérstaklega Icelandair því á afkomufundi flugfélagsins í byrjun maí sagði forstjórinn Björgólfur Jóhannsson að félagið gæti farið að fljúga lengra og dýpra inn í Evrópu. Hingað til hefur nærri allt flug Icelandair til Evrópu takmarkast við ferðir sem ekki taka ekki meira en fjóra tíma en flugtíminn til Vínarborgar er fjórir og hálfur klukkutími.

 

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …