Samfélagsmiðlar

Flestir alþjóðlegir fundir haldnir á Íslandi

Miðað við höfðatölu þá nýtur Ísland mikilla vinsælda hjá þeim sem skipuleggja ráðstefnur og fundarhöld.

Ráðstefnuhald í Hörpu er m.a. til umfjöllunar í nýjasta tölublaði Meetings International.

Höfðatalan reynist Íslendingum oft vel í samanburði við aðrar þjóðir. Nýjasta dæmið um slíkt er niðurstaða úttektar tímaritsins Meetings International sem leiðir í ljós að Ísland er það land í heiminum þar sem haldnir eru flestir alþjóðlegir fundir og ráðstefnur. Tímaritið studdist við gögn frá alþjóðlegum samtökum þjónustuaðila í funda- og viðskiptaferðamennsku og samkvæmt þeim er Ísland í 55. sæti yfir flesta alþjóðlega fundi haldna í heiminum. Þetta kemur fram í tilkynningu frá Ráðstefnuborginni Reykjavík, Meet in Reykjavík.

Þar segir jafnframt að Bandaríkin séu með afgerandi forrystu í fyrsta sæti listans en þar á eftir koma Þýskaland, Bretland og Frakkland. Norðurlöndin koma vel út í þessum samanburði og samkvæmt útreikningunum er mikil gróska í viðskiptaferðamennsku í Finnlandi, Danmörku, Noregi, Svíþjóð og á Íslandi. Væru þessi lönd talin sem eitt væri þau í öðru sæti á eftir Bandaríkjunum.

Eins og fyrr segir er Ísland í fyrsta sæti miðað við höfðatölu með einn alþjóðlegan viðburð fyrir hverja 8.500 íbúa. Malta, Slóvenía, Finnland og Danmörk eru svo í næstu sætum á eftir.

Í nýjasta tölublaði Meetings International er jafnframt ítarleg umfjöllun um Reykjavík sem áfangastað fyrir alþjóðlega fundi. Þar er fjallað um valið á höfuðborginni sem bestu funda-, ráðstefnu- og hvataferðaborg Evrópu ársins 2017. Eins er fjallð um hvernig opnun Hörpu ásamt aukningu í flugi til og frá landinu hafi gert áfangastaðinn mjög aðlaðandi fyrir alþjóðlega funda- og ráðstefnuskipuleggjendur.

Nýr samstarfssamningur Ráðstefnuborgarinnar Reykjavíkur (Meet in Reykjavík) og Háskólanna í borginni um að fjölga alþjóðlegum akademískum fundum og ráðstefnum á vegum háskólanna er einnig til umfjöllunar sem og starfsemi svokallaðs Ambassador-klúbbs Ráðstefnuborgarinnar Reykjavíkur.  Klúbburinn er hugsaður sem samstarf hagsmunaaðila í viðskiptaferðaþjónustu, Reykjavíkurborgar og fræði- og athafnafólks sem hefur tengsl inn í alþjóðleg samtök og stofnanir. Samkvæmt Meet in Reykjavík hafa meðlimir klúbbsins skilað um 110 verkefnum til landsins á þeim fjórum árum sem hann hefur verið starfandi og fer verkefnunum ört fjölgandi.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …