Samfélagsmiðlar

Primera Air dregur saman í Bretlandi og hættir við Íslandsflug

Flugfélag Andra Más Ingólfssonar hefur fellt niður stóran hluta af flugferðum sínum milli Bretlands og Spánar frá og með haustinu.

Sókn flugfélagsins  Primera Air inn á breska markaðinn hefur ekki gengið snuðrulaust fyrir sig. Fyrr á árinu dróg flugfélagið verulega úr Ameríkuflugi sínu frá Birmingham og í dag berast þau tíðindi að Primera Air hafi fellt niður allt flug frá bresku borginni til Mallorca og Barcelona í byrjun næsta mánaðar. Í lok október leggjast svo af allar ferðir frá Birmingham til  Alicante, Las Palmas, Malaga og Tenerife. Auk þess verður ekkert úr áætlunum um flug milli Íslands og Birmingham í vetur. Frá Stansted flugvelli við London hafa ferðir til Malaga og Alicante verið felldar niður að hluta til.

Haft er eftir talsmanni Birmingham flugvallar, í frétt Independent, að ákvörðun forsvarsmanna Primera Air valdi vonbrigðum þar sem eftirspurn eftir þessum flugleiðum hafi verið mikil. Í tilkynningu frá flugfélaginu kemur fram að farþegar fái bætur í samræmi við evrópskar reglur.

Í frétt breska blaðsins er talað um Primera Air sem íslenskt/lettneskt flugfélag jafnvel þó það sé ekki með íslenskt flugrekstrarleyfi. Íslenska tengingin er þó sterk því Primera Travel Group, móðurfélag Primera Air, er alfarið í eigu Andra Más Ingólfssonar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …