Samfélagsmiðlar

Biður um álit ráðherra á skuldum flugfélaga við Isavia

Er ásættanlegt að flugrekendur safni skuldum á Keflavíkurflugvelli? Um þetta og fleira spyr Jón Steindór Valdimarsson, þingmaður, Viðreisnar. Hann var ekki sáttur við svör ráðherra við fyrri fyrirspurn sinni og hefur því lagt fram nýja á Alþingi.

Jón Steindór Valdimarsson gerir nú aðra tilraun til fá upplýsingar frá samgönguráðherra um greiðslukjör flugfélaga hjá Isavia.

Það má leiða að því líkum að Primera air, flugfélag Andra Más Ingólfssonar, hafi skuldað Isavia tugi milljóna í farþega- og lendingagjöld þegar flugfélagið varð gjaldþrota í byrjun síðasta mánaðar. Þá tókst stjórnendur Isavia ekki að kyrrsetja flugvél á vegum Primera air til að fá upp í skuldina líkt og gert var þegar Airberlin fór í þrot. Og tjón hins opinbera fyrirtækis yrði margfalt hærra ef annað hvort Icelandair eða WOW air færu í þrot án þess að greiða reikninga síðustu mánaða við Isavia. Farþega- og lendingagjöld þessara félaga eru að lágmarki 500 til 600 milljónir á mánuði.

Ennþá hefur ekki fengist staðfest hvort frétt Morgunblaðsins í haust, um nærri 2 milljarða skuldahala WOW air á Keflavíkurflugvelli, hafi verið nærri sannleikanum eða ekki. Og nýleg svör samgönguráðherra við fyrirspurn Jón Steindórs Valdimarssonar, þingmanns Viðreisnar, um skuldastöðu flugrekenda við Isavia, gáfu engin svör þar sem stjórnendur Isavia telja ekki heimilt að veita þessar upplýsingar. Þeir telja sig heldur ekki geta bannað flugrekendum að nota flugvöllinn þótt viðkomandi sé í skuld við Isavia.

Jón Steindór hefur nú lagt fram nýja fyrirspurn á Alþingi um þessi mál og spyr ráðherra hvort hann telji það ásættanlegt að Isavia veiti einstökum flugfélögum greiðslufrest án trygginga á háum fjárhæðum sem eru í vanskilum. Ráðherra er einnig beðin um að veita þinginu upplýsingar um skuldir flugfélaga um síðustu mánaðamót og hversu há upphæð tapast á hverju ári vegna ógreiddra gjalda.

Hér er fyrirspurn Jóns Steindórs í heild sinni:

1. Hverjar voru heildartekjur ISAVIA og/eða ríkisins vegna lendingargjalda, farþegagjalda, stæðisgjalda, flugverndargjalda, flugleiðsögugjalda og annarra gjalda sem við kunna að eiga á Keflavíkurflugvelli árin 2013–2018, sundurliðað eftir árum, og:
a. hversu stór fjárhæð var komin fram yfir gjalddaga í lok hvers árs,
b. hve há fjárhæð tapaðist á hverju ári vegna ógreiddra gjalda,
c. hve háir dráttarvextir voru reiknaðir af framangreindum gjöldum sem komin voru í vanskil ár hvert,
d. hve háar eru skuldir flugfélaga sem komnar eru fram yfir gjalddaga og/eða eindaga 1. nóvember 2018?
2. Getur ISAVIA beitt stöðvunarheimild á vélar sem eru í leigu flugfélags fyrir skuldum félagsins sem ekki tengjast þeirri flugvél?
3.  Telur ráðherra það ásættanlegt að ISAVIA veiti einstökum flugfélögum greiðslufrest án trygginga á háum fjárhæðum sem eru í vanskilum? 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …