Samfélagsmiðlar

10 fjölförnustu flugvellir Norðurlanda

Þrátt fyrir að vöxturinn hafi verið aðeins minni en gert var ráð fyrir þá er Keflavíkurflugvöllur áfram á sínum stað á topplistanum.

kef farthegar

Frá Flugstöð Leifs Eiríkssonar.

Síðustu ár hefur Flugstöð Leifs Eiríkssonar verið hástökkvarinn á listanum yfir stærstu norrænu flugstöðvarnar þegar litið er til fjölda farþega. Leifsstöð skaust fram úr Billund og Bromma árið 2014 og varð svo stærri en flugstöðvarnar í Þrándheimi og Stavanger ári síðar. Síðan fór sú íslenska upp fyrir Flesland í Bergen og Landvetter í Gautaborg og komst upp í fimmta sætið á topplistanum árið 2016.

Þar situr Leifsstöð þriðja árið í röð og verður þar væntanlega um langt árabil. Því eins og sjá má á töflunni hér fyrir neðan er langt upp í fjórða sætið og eins þyrfti samdráttur að vera verulegur svo Keflavíkurflugvöllur færi niður fyrir Landvetter á ný.

Vöxturinn á Keflavíkurflugvelli í fyrra var þó minni en upphaflega var reiknað með. Fyrsta spá Isavia gerði nefnilega ráð fyrir að farþegafjöldinn færi í fyrsta sinn yfir 10 milljónir og myndi enda í 10,4 milljónum. Niðurstaðan varð hins vegar 9,8 milljónir og fyrstu mánuði  þessa árs er búist við samdrætti sem skrifast á minnkandi umsvif WOW air.

Þar með stefnir í að metið sem sett var á nýliðnu standi í einhvern tíma og bið verði eftir því að farþegafjöldinn í Flugstöð Leifs Eiríkssonar verði mældur í 8 stafa tölu. Þess má geta að farþegar í innanlandsflugi eru  umtalsverður hluti af traffíkinni á hinum níu flugvöllunum á listanum hér fyrir neðan.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …