Samfélagsmiðlar

Lág fargjöld endurspegla ekki lítinn áhuga á Vínarflugi

Það styttist í jómfrúarferð Wizz Air frá Austurríki til Íslands og í dag kostar miðinn í þá ferð aðeins 4800 krónur.

vin2

Frá Vín.

Samgöngurnar milli Íslands og Austurríki munu glæðast í næsta mánuði þegar ungverska lággjaldaflugfélagið Wizz Air hefur áætlunarflug hingað frá Vínarborg. Aldrei áður hafa reglulegar ferðir verið í boði héðan til austurrísku borgarinnar yfir vetrarmánuðina. Wizz Air áformar að fljúga þrjár ferðir í viku og verður sú fyrsta farin laugardaginn 16. febrúar.

Í dag kostar sætið í fyrstu ferðina héðan til Vínar aðeins um 4800 krónur og farmiðaverðið er í lægri kantinum í febrúar og mars. Talsmaður Wizz Air þvertekur fyrir það, í svari til Túrista, að lítill áhugi á þessari nýju flugleið skýri hin lágu fargjöld. Íslendingar sem hafa hug á að taka hús á Austurríkismönnum í lok vetrar komast því þangað ódýrt.

Af Íslandsútgerð Wizz Air er það annars að frétta að í sumar mun félagið fljúga hingað frá fjórum pólskum borgum og fækkar þeim þá um eina frá því í fyrra. Flugið til Poznan er nefnilega ekki lengur á dagskrá. Félagið hefur einnig lagt niður starfsemi sína í Prag og þar með er Czech Airlines eina félagið sem flýgur milli Íslands og Tékklands.

 

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …