Samfélagsmiðlar

12 byssur á dag í vopnaleitinni

Enn eitt árið fellur vafasamt met vestanhafs því vopnuðum flugfarþegum virðist fjölga í takt við aukna umferð.

Hluti af þeim byssum sem voru gerðar upptækar á bandarískum flugvöllum í fyrra.

Vopnaleitin á bandarískum flugvöllum stendur undir nafni því í fyrra voru 4.239 byssur gerðar upptækar í handfarangri flugfarþega eða um tólf á degi hverjum. Í níu af hverjum tíu tilfellum voru skotvopnin hlaðin.

Flestir voru gripnir í vopnaleitinni á Atlanta flugvelli í Georgíufylki og fjölgaði tilfellunum um rúmlega helming. Flughöfnin í Atlanta er jafnframt sú fjölfarnasta í Bandaríkjunum og miðstöð innanlandsflugs. Það kann að skýra hinn tíða vopnaburð farþega.

Næst flestar voru byssurnar á Dallas flugvelli en þaðan var í fyrsta sinn flogið til Íslands í fyrra og nýttu um 50 þúsund farþegar, langflestir Bandaríkjamenn, ferðirnar. Flugvellir í suðurhluta Bandaríkjanna, þar sem vopnaburður er víða almennur, koma af skiljanlegum ástæðum illa út úr samanaburði við stærstu flugvellina á vestur- og austurströnd Bandaríkjanna því eins og sjá má þá komast flugvellirnir í stórborgunum þar ekki á listaa yfir þá 10 flugvelli þar sem flestir reyna að komast um borð með byssur. Hámarkssekt fyrir þess háttar er um ein of hálf milljón króna.

Flugvellirnir þar sem flestir eru teknir með byssur:

  1. Hartsfield-Jackson Atlanta flugvöllur: 298 og 253 hlaðnar.
  2. Dallas/Fort Worth: 219 og 193 hlaðnar.
  3. Phoenix Sky Harbor: 129 og 120 hlaðnar.
  4. Denver: 126 og 95 hlaðnar.
  5. Orlando: 123 og 112.
  6. George Bush í Houston: 117 og allar nema tvær hlaðnar.
  7. Fort Lauderdale: 96 og 80 hlaðnar.
  8. Austin-Bergstrom: 93 byssur og 76 hlaðnar.
  9. Dallas Love Field: 89 og 83 hlaðnar.
  10. Nashville: 86 og 80 hlaðnar
Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …