Samfélagsmiðlar

Finnar finna fyrir aukinni ásókn Kínverja í Íslandsflug

Á meðan túristum hér á landi fækkaði almennt í janúar þá fjölgaði kínversku ferðafólki umtalsvert. Forsvarsfólk Finnair finnur fyrir þessari auknu eftirspurn.

Átjándi hver ferðamaður hér á landi í janúar var með kínverskt vegabréf.

Umsvif Finnair í Kína hafa aukist í takt við aukna ferðagleði Kínverja og í dag fljúga þotur finnska flugfélagsins reglulega til sjö kínverskra borga. Frá flugvellinum í Helsinki geta svo kínversku farþegarnir flogið áfram út um alla Evrópu hafi þeir ekki ætlað sér að stoppa í Finnlandi.

Það er óhætt er að fullyrða að Icelandair hafi notið góðs af Asíuflugi Finnanna og að stór hluti þeirra sem nýta sér áætlunaraferðir Icelandair frá Helsinki séu einmitt asískir ferðamenn sem flogið hafa að heiman með Finnair en hafa sett stefnuna á Ísland. Nú situr Icelandair þó ekki eitt að Íslandsfluginu frá Helsinki því fyrir nærri tveimur árum síðan hóf Finnair að fljúga hingað til lands.

„Ísland hefur vaxið jafnt og þétt á kínverska markaðnum og reyndar hraðar en margir aðrir áfangastaðir,“ segir Simon Barrette, blaðafulltrúi Finnair, í svari til Túrista. En í nýliðnum janúar fjölgaði kínverskum ferðamönnum hér langmest því þá komu hingað um tólf hundruð fleiri Kínverjar en á sama tíma í fyrra samkvæmt talningu Ferðamálasofu. Skýringuna á því má meðal annars finna í fleiri ferðum Finnair hingað til lands því í janúar fjölgaði félagið ferðum sínum til Keflavíkurflugvallar úr þrettán í tuttugu og tvær samkvæmt talningu Túrista.

Gera má ráð fyrir að fjöldi kínverskra ferðalanga hér á landi hafi líka aukist í febrúar enda nær ferðagleði Kínverja hámarki í kringum kínversk áramót en ár svínsins hófst einmitt í síðustu viku.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …