Samfélagsmiðlar

Fleiri farþegar og fleiri laus sæti

Þrátt fyrir veikari stöðu helsta samkeppnisaðilans þá voru þotur Icelandair verr nýttar í janúar en dæmi eru um síðustu ár. Munurinn hjá WOW gæti verið ennþá meiri.

icelandair radir

Það voru fleiri sem flugu með Icelandair í janúar en hlutfall skipaðra sæta var aðeins lægra.

Það voru 227 þúsund farþegar sem nýttu sér áætlunarflug Icelandair í janúar sem er aukning um 8 prósent frá sama tíma í fyrra. Hins vegar jókst framboð á flugsætum um tíund á sama tíma. Sætisnýtingin í þotum félagsins lækkaði þar með niður í 71,9 prósent og þarf að leita aftur til janúar árið 2014 til að finna lakari nýtingu þennan fyrsta mánuð ársins eins og sjá má á súluritinu hér fyrir neðan.

Þessi lækkun er áhugaverð í ljósi þess að í nóvember og desember síðastliðnum þá mældist sætisnýtingin hjá Icelandair hærri en hún hefur verið á þeim tíma árs. Þar hefur veik staða WOW air væntanlega haft þónokkur áhrif. Framtíð þessa helsta keppinautar Icelandair er ennþá jafn óljós og þess ætti flugfélagið að njóta ennþá. Sætanýtingin hefði því líklega lækkað ennþá meira ef WOW silgdi lygnan sjó.

Það verður hins vegar ekki horft fram hjá því að Icelandair á í samkeppni við fleiri flugfélög en WOW air þegar kemur að fólksflutningum yfir Norður Atlantshafið og þar hefur slagurinn harðnað. Áður var Icelandair til að mynda eina norræna flugfélagið í Boston en er nú í samkeppni þar við Norwegian, SAS og auðvitað WOW. Framboð á Ameríkuflugi frá stærstu borgum Evrópu hefur líka aukist verulega og það hefur neikvæð áhrif nýtinguna og sérstaklega núna þegar færri eru á ferðinni en flesta aðra mánuði ársins.

Skýringin á lægri nýtingu hjá Icelandair í janúar gæti líka legið í hærri fargjöldum. Þegar meðalfargjald flugfélags hækkar þá lækkar nýtingin oft á tíðum líkt og gerðist hjá Norwegian í janúar. Niðursveiflan var hins vegar mun meiri hjá norska flugfélaginu. En þar sem stjórnendur Icelandair veita ekki reglulegar upplýsingar um fargjaldaþróun, öfugt við það kollegar þeirra hjá Norwegian og SAS gera, þá fæst ekki skýr mynd af stöðu mála.

Ferðamannaspá Isavia var fjarri því að standast fyrir janúar og ein af skýringunum sem Isavia gefur fyrir frávikinu er sú að sætanýting í Íslandsflugi lækkaði úr 78 í 74 prósent í janúar. Sú staðreynd og lítilsháttar lækkun í nýtingu Icelandair gefur til kynna að þotur WOW air hafi verið þunnskipaðri en áður. Í janúar í fyrra var nýtingin hjá flugfélaginu 88 prósent en gæti hún hafa farið niður niður í 76 til 80 prósent af því gefnu að þotu erlendu flugfélaganna hafi verið álíka vel nýttar og í fyrra. Úr þessu fæst skorið þegar WOW birtir farþegatölur sínar fyrir janúar en búast má við þeim fyrir helgi.

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki sem talið geta ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …