Samfélagsmiðlar

Bjargvættur WOW gæti fengið stærri hlut

Nú er unnið að því að fá fjárfesta að 51 prósent hlut í WOW air. Sá sem leggur flugfélaginu til fjármagn gæti þó verið í stöðu til að fara fram á meira.

Nú er ljóst að Skúli Mogensen er ekki lengur eini eigandi WOW air þar sem fjárfestar sem tóku þátt í skuldabréfaútboði félagsins síðastliðið haust hafa breytt kröfum sínum í hlutafé. Mismunandi sögum fór að aðdraganda þessara breytinga í gær því Skúli sagði skuldabréfaeigendur hafa samþykkt breytinguna en samkvæmt frétt Mbl.is voru það hinsvegar fjár­fest­ar sem ákváðu að taka fé­lagið yfir.

Á sama hátt munu allir kröfuhafar, utan Isavia, ekki hafa samið um umbreytingu á kröfum sínum eins og skilja mátti fyrstu fréttir af málinu  sem birtust á vef Rúv. Ennþá mun þó vera ósamið við stóra kröfuhafa eins og flugvélaleigur og ekki fást upplýsingar frá Arion banka um hvort bankinn ætli að umbreyta sínum kröfum.

Hvað sem líður misræminu í aðdraganda eigendabreytinganna og stöðu samninga við kröfuhafa þá mun það vera stefna skuldabréfaeigenda og kröfuhafa að selja fjárfestum 51 prósent hlut í félaginu fyrir 5 milljarða króna. Fréttablaðið segir frá því í dag að eigendur skuldabréfa munu eignast 23 prósenta hlut í félaginu og aðrir lánardrottnar fá 26 prósenta hlut. Fjárfestirinn sem leggja á flugfélaginu til 40 milljónir dala, 4,8 milljarða kr., í nýtt hlutafé fær því 51 prósent í félaginu.

Í ljósi þess hve tíminn er knappur og lausafjárþörf WOW air mikil þá má telja líklegt að áhugasamir fjárfestar geta fengið mun stærri hlut í flugfélaginu. Og að þessu ýjar Bogi Nils Bogason, forstjóri Icelandair Group, í viðtali við Vísi í morgun. Þar segir hann segir erfitt að skilja afhverju þeir sem leggja eiga nýtt áhættufjármagn til WOW air eignist ekki félagið að fullu.

Staða WOW ætti að vera forstjóra Icelandair vel þekkt enda keypti hann keppinautinn í nóvember og gerði aðra tilraun um síðustu helgi. Í bæði skiptin var það samt niðurstaða stjórnenda Icelandair að láta ekki af yfirtöku verða.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …