Samfélagsmiðlar

Boeing uppfærir hugbúnað í MAX þotunum

Fleiri lönd og flugfélög kyrrsetja Boeing MAX 8 þotur sínar. Þrjú flugfélög nýta MAX þotur í Íslandsflug.

Fyrsta Boeing MAX þota Icelandair.

Rannsókn flugslyssins í Eþíópíu á sunnudag er skammt á veg komin og ekki liggur fyrir hvort einhver líkindi eru með því og hrapi flugvélar Lion Air til jarðar í Indónesíu í október. Í báðum tilvikum var um að ræða nýjar Boeing MAX 8 þotur sem hröpuðu stuttu eftir flugtak. Alls fórust 346 farþegar ásamt áhöfnum í slysunum tveimur.

Bandarísk loftferðayfirvöld, FAA, gáfu það út í gærkvöld að flugvélaframleiðandinn Boeing yrði að gera breytingar á þotum af þessari tegund en að þær yrðu þó ekki kyrrsettar. Í kjölfar yfirlýsingar FAA gáfu stjórnendur Boeing út að hugbúnaður þotanna yrði lagaður.

Stuttu eftir hrap flugvélarinnar í Eþíópíu á sunnudag kyrrsettu Kínverjar allar Boeing MAX þotur þar í landi en þangað hefur stærsti hluti af þessari nýjustu tegund Boeing þota farið. Nú hafa stjórnvöld í Singapúr einnig bannað MAX þotur í sínum loftrými samkvæmt frétt Reuters. Auk þess hafa einstaka flugfélög kyrrsett sínar þotur af gerðinni Boeing MAX 8, þar meðal Royal Air Maroc, Aeromexico, Gol Airlines og Comair. Áður höfðu stjórnendur Ethiopian Airlines, eigandi flugvélarinnar sem hrapaði á sunnudag, ákveðið að þær fjórar MAX þotur sem félagið rekur verði ekki sendar á loft tímabundið.

Hlutabréf Boeing lækkuðu töluvert í gær og gengi Icelandair lækkaði um nærri tíund. Skýringin kann að liggja í óvissunni sem nú ríkir um Boeing þoturnar en Icelandair hefur fest kaup á 16 Boeing MAX 8 og MAX 9 þotum. Þrjár MAX 8 þotur í flugflota félagsins í dag og líkt og kom fram í  viðtali við Jens Þórðarson, framkvæmdastjóra rekstrarsviðs Icelandair, í fréttum RÚV í gær þá er ekki ætlunin að kyrrsetja þoturnar. Hann sagði þó að töluvert væri um að farþegar lístu yfir áhyggjum af vélunum.

Icelandair er ekki eina flugfélagið sem nýtir Boeing MAX 8 þotur í flug til og frá Íslandi. Það gerir einnig norska flugfélagið Norwegian og hið kanadíska Air Canada en Íslandsflug þess hefst reyndar ekki á ný fyrr en í sumarbyrjun. Ekkert þessara félaga hefur tekið MAX þotur sínar úr umferð.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …