Samfélagsmiðlar

Eaton Vance tjáir sig ekki um skuldabréfin í WOW

Sérfræðingar bandaríska sjóðastýringarfyrirtækisins Eaton Vance Management vilja ekkert segja um kröfu um fimmtíu prósent afskriftir skuldabréfa í WOW air.

wowair freyja

Þegar hið margumrædda skuldabréfaútboð WOW air hófst í lok síðasta sumars þá fór Skúli Mogensen, forstjóri og eigandi WOW,  um Norður-Evrópu og kynnti útgáfuna fyrir fjárfestum. Við heimkomuna sagði hann, í viðtali við Fréttablaðið, að viðbrögðin hefðu verið mjög góð og að reyndir fjárfestar í flugheiminum skildu hvernig  WOW nálgaðist markaðinn öðruvísi með meiri áherslu á tæknilausnir og hliðartekjur en áður hefði þekkst. Nokkrum dögum síðar sagði Fréttablaðið svo frá því að nokkrir erlendir fjárfestar hefðu nú þegar skráð sig til þess að kaupa verulegan hluta skuldabréfanna.

Það kom hins vegar á daginn að áhuginn reyndist ekki nægjanlegur og voru íslensk verðbréfafyrirtæki fengin til aðstoðar til að ná útgáfunni yfir 50 milljón evra lágmarkið. Skúli keypti meira að segja sjálfur fyrir rúmlega tíund af þeirri upphæð og hið íslenska Gamma tók einnig hlut. Bandaríska fjármálafyrirtækið Eaton Vance var þó stórtækast, af þeim kaupendum sem komu í gegnum íslensku verðbréfafyrirtækin, því félagið skráði sig fyrir skuldabréfum að virði 10 milljónir evra í WOW.

Sú fjárfesting hefur verið í lausu lofti í nær allan vetur og í bréfi sem eigendum skuldabréfanna var sent um síðustu helgi er óskað eftir samþykki þeirra fyrir helmings afskrift af höfuðstólnum. Aðspurð um þessa kröfu, aðeins hálfu ári eftir að bréfin voru gefin út, þá segir talskona Eaton Vance,  í svari við fyrirspurn Túrista, að þau muni ekki tjá sig um málið að þessu sinni. Fulltrúar Eaton Vance létu þó óánægju sína með söluferli bréfanna skýrt í ljós á fundi skuldabréfaeigenda í ársbyrjun eins og áður hefur verið fjallað um.

Eini skuldabréfaeigandinn sem tjáð hefur sig opinberlega um stöðuna, eftir tilboð helgarinnar, er Valdimar Ármann, forstjóri Gamma. Í fréttum RÚV á laugardag sagði að niðurstöðuna skárri en hann óttaðist en sjóðir á vegum Gamma fjárfestu fyrir tvær milljónir evra í skuldabréfum WOW air. Það jafngildir um 270 milljónum króna á gengi dagsins. Valdimar taldi að eigendur skuldabréfanna myndu samþykkja breytta skilmála. „Það eru alltaf einhverjar líkur á að þetta gangi ekki í gegn en miðað við stöðuna og það sem er í hendi, þó það sé búinn að vera stuttur tími til að meta þetta nákvæmlega, þá sýnist mér miðað við uppleggið að það séu góðar líkur á að þetta verði samþykkt,“ sagði Valdimar.

Skuldabréfeigendurnir geta greitt atkvæði um breytingarnar fram til 5. apríl næstkomandi en þær munu falla úr gildi verði ekki gengið frá fjárfesting Indigo Partners í WOW air fyrir 29. apríl næstkomandi. Áður höfðu forsvarsmenn fyrirtækjanna tveggja gefið út að stefnt væri að því að ljúka fjárfestingunni fyrir 29. mars.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …