Samfélagsmiðlar

Gera ráð fyrir að Boeing borgi reikninginn

Stjórnendur Norwegian hafa sótt háar skaðabætur til flugvéla- og hreyflaframleiðenda og það munu þeir líka gera vegna kyrrsetningu MAX þotanna.

Eftir að evrópsk flugmálayfirvöld settu tímabundið bann á notkun Boeing 737 MAX 8 þota í loftrými álfunnar í gær þá kyrrsettu flugfélög eins og Icelandair og Norwegian þotur sínar af þessari gerð. Í tilkynningu frá Icelandair sagði að til skamms tíma myndi þessi ráðstöfun hafa óveruleg áhrif á rekstur félagsins því aðeins væri um að ræða þrjár af 33 farþegavélum í flota félagsins.

Í herbúðum Norwegian er tónninn þyngri því félagið hefur undanfarið notast við 18 MAX þotur. Í tilkynningu frá Norwegian í morgun segir að starfsmenn þess hafi unnið að því í nótt að finna lausn á  vandanum og tryggja farþegum sínum flug á áfangastað. Þrátt fyrir stóran flugflota þá þarf Norwegian þó á öllum sínum þotum að halda og í frétt Reuters segir að stjórnendur Norwegian ætli að sækja bætur til Boeing vegna þess tekjutaps og aukakostnaðar sem flugfélagið verður fyrir vegna kyrrsetningarinnar. „Við gerum ráð fyrir að Boeing borgi þennan reikning,“ segir í svari Norwegian til Reuters.

Þetta verður ekki í fyrsta sinn sem Norwegian þarf að sækja skaðabætur til Boeing því það gerði flugfélagið líka vegna Boeing Dreamliner þotanna fyrir fimm árum síðan. Afhending á  þeim drógst á langinn og töluverð vandræði voru með þær vélar í upphafi. Þrjár af fyrstu Dreamliner flugvélum Norwegian voru reyndar keyptar af Icelandair því móðurfélag þess, FL-Group, gekk frá kaupum á þeim árið 2005. Þá stóð til að taka þær í notkun fimm árum síðaar en Norwegian fékk þær fyrst afhentar sumarið 2013. Seinkunin skrifaðist meðal annars á galla í rafgeymum flugvélanna sem varð til þess að þær voru  kyrrsettar í þrjá mánuði í ársbyrjun 2013.

Hefði Icelandair verið í stakk búið að taka við Dreamliner þotunum á  sínum tíma þá hefði félagið væntanlega þurft að taka slaginn við Boeing vegna vandræðanna með Dreamliner þoturnar. Nú gætu stjórnendur íslenska flugfélagsins hins vegar staðið frammi fyrir þessu verkefni og gætu þær bótakröfurnar blandast inn í viðræður um kaup á nýjum flugvélum. Forsvarsfólk Icelandair hefur nefnilega gefið út að framtíðaruppbygging flugflota félagsins sé á dagskrá  í ár og horft verði bæði til Boeing og Airbus.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …