Samfélagsmiðlar

Hringflug Icelandair í Skandinavíu

Síðustu tvo sunnudaga hefur Icelandair sameinað flug til Óslóar og Stokkhólms vegna kyrrsetningar á MAX þotum. Ekki hefur verið tekið ákvörðun um hvernig flugfélagið bregst við ef kyrrsetning þotanna dregst á langinn.

Ein af MAX þotum Icelandair.

Síðustu tvo sunnudaga hefur Boeing breiðþota Icelandair tekið á loft síðdegis frá Keflavíkurflugvelli og sett stefnuna á Ósló en um borð hafa líka verið farþegar á leið til Stokkhólms. Vélin hefur svo millilent á Gardermoen flugvelli og eftir að hluti farþega hefur farið frá borði og aðrir komið inn þá er ferðinni haldið áfram til Stokkhólms og þaðan flogið heim. Ferðalag farþeganna hefur því verið mun lengra en upphaflega var gert ráð fyrir.

„Við höfum gripið til þessarar ráðstöfunar í þeim tilfellum sem MAX vél hefur verið áætluð í síðdegisflugi til Ósló og/eða Stokkhólms í stað þess að þurfa að aflýsa flugi. Við höfum metið það svo að þetta valdi lágmarksröskun fyrir farþega okkar. Við höfum reynslu af þessu hringflugi enda var þessi leið flogin vikulega allt síðastliðið sumar, síðdegis á sunnudögum. Við erum náttúrulega að gera allt sem í okkar valdi stendur til að raska flugi sem minnst í kjölfar kyrrsetningar MAX vélanna og þessi uppsetning er notuð þá daga sem okkur vantar vél síðdegis á sunnudögum. Við erum hins vegar ekki búin að plana fleiri slík flug í bili.“ segir Ásdís Pétursdóttir, upplýsingafulltrúi Icelandair, í svari til Túrista.

Þegar MAX þotur Icelandair voru kyrrsettar kom það fram í tilkynningu frá félaginu að til skamms tíma myndi það hafa óveruleg áhrif á rekstur félagsins. Aðspurð hvort viðbúið sé að Icelandair sameini flug til fleiri borga á næstunni þá segir Ásdís að verið sé að skoða hvernig brugðist verði við ef kyrrsetning MAX þotanna dregst á langinn inn í annasamari tíma. „Engin ákvörðun hefur þó verið tekin enn sem komið er um hvernig við leysum það,“ bætir Ásdís við.

Því má bæta við að Boeing framleiðandinn stefnir á að kynna uppfærðan hugbúnað í MAX þoturnar á næstu dögum. Ekki liggur þó fyrir hvenær kyrrsetningu flugvélanna verður aflétt.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …