Samfélagsmiðlar

Leituðu aftur til Icelandair

Það eru þrír mánuðir síðan kaupsamningi Icelandair á WOW air var rift. Í vikunni kannaði forsvarsfólk WOW air á ný áhuga keppinautarins á yfirtöku.

icelandair wow

Í byrjun nóvember var tilkynnt um kaup Icelandair á WOW air en það var Skúli Mogensen, eigandi WOW air, sem hafði frumkvæði að málinu. Rúmum þremur vikum síðar féll Icelandair hins vegar frá kaupunum en síðar sama dag var tilkynnt um viðræður Skúla og Indigo Partners. Þær hafa staðið yfir síðan þá og enn er ekki komið á hreint hvort af fjárfestingu Indigo Partners í WOW air verður. Niðurstöðu var að vænta í síðasta lagi í gær en nú er ljóst að viðsemjendur ætla að gefa sér allt að einn mánuð í viðbót.

Þrátt fyrir yfirstandandi samningaviðræður við Indigo Partners þá leitaði forvarsfólk WOW air til Icelandair í vikunni til að kanna áhugann á því taka upp þráðinn í yfirtökuferlinu sem var í lok nóvember. Þetta herma áreiðanlegar heimildir Túrista. Ekki mun hafa reynst áhugi á því innan raða Icelandair að hefja að nýju kaupviðræður við Skúla.

Sem fyrr segir ætla Indigo Partners og Skúli Mogensen að gefa sér einn mánuð í viðbót í viðræður um aðkomu bandaríska félagsins að rekstri íslenska lággjaldaflugfélagsins. Í tilkynningu sem send var út fyrir miðnætti í gær kom ekki fram um hvort skuldabréfaeigendur þurfa að gefa grænt ljós á framlengingu viðræðnanna.

Það eru þó vísbendingar um að lausafjárstaða WOW sé orðin erfið því samkvæmt frétt Mbl.is þá drógust launagreiðslur hjá fyrirtækinu um mánaðamótin. Túristi hefur óskað eftir upplýsingum frá Samgöngustofu um hvernig eftirliti með flugrekanda í fjárhagsvanda er háttað en samkvæmt svari frá stofnuninni þá eru ekki veittar upplýsingar um málefni einstakra fyrirtækja. Þess má geta að Þórólfur Árnason, forstjóri Samgöngustofu og Liv Bergþórsdóttir, stjórnarformaður WOW air, leiddu saman símafyrirtækið Tal á sínum tíma.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …