Samfélagsmiðlar

Tyrklandsferðir á ný

Stærstu ferðaskrifstofur landsins sameinast um reglulegar sólarlandaferðir til vesturhluta Tyrklands í sumar.

Frá tyrkneskri sólarströnd.

Ferðaþjónustan í Tyrklandi er að rétta úr kútnum eftir nokkur mögur ár sem einkenndust af pólitískum óróa sem fældi ferðafólk frá. Stríðið í nágrannalandinu Sýrlandi hafði líka sín áhrif. Þjóðverjar, Bretar og Skandinavar eru hins vegar farnir að fjölmenna á ný á tyrkneskar sólarstrendur og  í sumar munu ferðaskrifstofurnar Heimsferðir, Úrval-Útsýn og Vita sameinast um sæti í farþegaþotu sem flýgur til héðan reglulega til Bodrum, á suðvesturströnd Tyrklands, í sumar.

Þar með taka ferðaskrifstofurnar þrjár upp þráðinn frá sumrinu 2014 þegar þær höfðu sama háttinn á. Þá áttu þær hins vegar í samkeppni við norrænu ferðaskrifstofuna Nazar sem flaug sínum íslensku farþegum beint til Antalya. Nazar lagði niður starfsemi sína hér árið 2017 en forsvarsmenn hennar stefna á endurkomu næsta sumar.

Verðlagið á Tyrklandi er ein ástæða vinsælda landsins meðal sólþyrstra Norður-Evrópúbúa og eins hafa tyrkneskir hótelstjórar verið í fararbroddi þegar kemur að gististöðum þar sem allt fæði er innifalið. Grikkir hafa til að mynda lagt mun minni áherslu á þess háttar þjónustu. Ferðir íslensku ferðaskrifstofanna til Tyrklands í sumar eru allar 11 daga langar.

Það tekur um sex klukkutíma að fljúga héðan til Bodrum og brottför frá Keflavíkurflugvelli verður í morgunsárið og lent er seinnipart dags í Tyrklandi. Þaðan er flogði að kveldi og lent um miðnætti við Leifsstöð enda er þriggja klukkustunda tímamismunur á Tyrklandi og Íslandi.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …