Samfélagsmiðlar

Indigo Partners skoða kaup á tveimur flugfélögum

Forsvarsmenn fjárfestingafélagsins Indigo Partners eru með mörg járn í eldinum.

Það eru erfiðir tímar í flugrekstri og mörg félög að leita fjárfesta.

Það eru umrótstímar í fluggeiranum og WOW air og Primera air, flugfélög Skúla Mogensen og Andra Más Ingólfssonar, voru ekki þau einu sem lifðu ekki af veturinn. Nú síðast bárust fregnir af rekstrarstöðvun Jet Airways, næst stærsta flugfélags Indlands, og nú munu fjórir fjárfestar vera að skoða kaup á eignum félagsins. Þar á meðal er bandaríska fjárfestingafélagið Indigo Partners sem lengi var orðað við stóran hlut í WOW air.

Indverska flugfélagið er þó ekki það eina sem starfsmenn Indigo Partners skoða um þessar mundir því þeir munu einnig sjá tækifæri í taka yfir dótturfélag kólumbíska ríkisflugfélagsins Avianca í Brasilíu. Reksturinn í Brasilíu er í járnum og í síðustu viku féllu stjórnendur Azul Airlines frá áformum sínum um að taka keppinautinn yfir.

Í kjölfarið vaknaði áhugi Indigo Partners og samkvæmt frétt vefsíðunnar Airline Geeks þá sjá stjórnendur bandaríska fjárfestingafélagsins tækifæri í að auka umsvif lággjaldaflugfélagsins Jet Smart í Chile sem er alfarið í eigu Indigo Partners. Í dag takmarkast umsvif Jet Smart við innanlandsflug í Chile auk áætlunarferða til Argentínu og Perú en á því gæti fljótlega orðið breyting ef kaupin á brasilíska flugfélaginu ganga eftir.

Tilboðsfrestur í flugrekstur Avianca í Brasilíu rennur út þann 7. maí næstkomandi. Það er því ljóst að sérfræðingar Indigo Partners geta ekki gefið sér jafn langan tíma í að velta þeirri fjárfestingu fyrir sér og þeir tóku í að skoða kaupa á 49 prósent hlut í WOW air.

 

 

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …