Samfélagsmiðlar

Telja Guide to Iceland veita rangar upplýsingar

Neytendastofa fer fram á að bókunarfyrirtækið Guide to Iceland dragi úr fullyrðingum um að fyrirtækið bjóða lægsta verð og hafi mesta úrvalið af

Bókunarsíðan Gui­de to Ice­land er mjög umsvifamikið í íslenskri ferðaþjónustu. Neytendastofa telur fyrirtækið ekki geta staðið við fullyrðingar á sölusíðu sinni.

„Explore the world‘s most extensive selection of things to see and do in Iceland“, „Lowest prices in Iceland“, „Largest selection of travel services“, „Find the very best prices on the largest marketplace for Icelandic travel services“, „Low prices in Iceland – best price guarantee“ og „Find the very best selection on the largest marketplace for Icelandic travel services“ eru meðal þeirra fullyrðinga sem bókunarfyrirtækið Guide to Iceland hefur nýtt til markaðsetningar. Neytendastofa segir þessar fullyrðingar fyrirtækisins vera ósannaðar og þær veiti rangar upplýsingar um stöðu Guide to Iceland á íslenskum markaði. „Þá telur Neytendastofa að upplýsingarnar séu líklegar til að valda því að hinn almenni neytandi sem auglýsingarnar beinast að, taki viðskiptaákvörðun sem hann myndi ekki annars hafa tekið.“

Nú eru rúmar þrjár vikur síðan úrskurður Neytendastofu var birtur en ennþá er hluti þessara ofannefndu fullyrðinga nýttur í við kynningu á Guide to Iceland á enskri heimasíðu fyrirtækisins. Málið á sér þó lengri aðdraganda því það var í september síðastliðnum sem Neytendastofa óskaði fyrst skýringum fyrirtækisins á þeim loforðum sem birtust á heimasíðunni. Það var hins vegar fyrst í desember að stofnunni barst svar frá Guide to Iceland. Í lok janúar lét fyrirtækið vinna fyrir sig samantekt sem forsvarsfólk fyrirtækisins telur styðja við flestar fullyrðingarnar.

Engu að síður hét það því að gera breytingar á nokkrum setningum. Til að mynda yrði ekki lengur fullyrt að Guide to Iceland gæti ávallt boðið lægsta verðið. Textanum „Lowest price in Iceland – Best price guaranteed“ var því breytt í „Low prices in Iceland – Best price guarantee“. Þrátt fyrir þessar breytingar í skilaboðum og samanburð fyrirtækisins sjálfs á úrvali sínu og keppinauta þá telur Neytendastofa að fullyrðingar í markaðssetningu Guide to Iceland séu ósannaðar sem fyrr segir.

Guide to Iceland er mjög umsvifamikið í íslenskri ferðaþjónustu og velti fyrirtækið 4,8 millj­örðum í hittifyrra, án virðis­auka­skatts, og nam hagnaðurinn þá 675 milljónium króna. Í október í fyrra keypti bandarískur fjárfestingasjóður fimmtungshlut í fyrirtækinu fyrir rúma tvö milljarða króna samkvæmt frétt Mbl.is.

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …