Samfélagsmiðlar

Allt opið á Keflavíkurflugvelli fyrir nýtt flugfélag

Áform eru uppi um að stofna nýtt flugfélag sem byggir að einhverju leyti á grunni WOW air. Í dag eru komu- og brottfarartímar forverans á Keflavíkurflugvelli flestir ónýttir. Lán frá íslenskum banka mun vera ein af forsendum þess að verkefnið verði að veruleika.

Nú eru fimmtán vikur liðnar frá því að WOW air varð gjaldþrota og það skarð sem félagið skyldi eftir sig er að mestu ófyllt. Flugumferð frá Keflavíkurflugvelli hefur dregist verulega saman og helstu brottfarartímar WOW air á vellinum er ennþá lausir. Vonir sumra um að erlend flugfélög myndu auka Íslandsflug sitt í kjölfar falls WOW hafa ekki gengið eftir nema að litlu leyti. Delta og easyJet hafa meira að segja skorið niður áætlunarflug hingað í vetur.

Á sama tíma hafa stjórnendur Icelandair ekki getað nýtt sér þau tækifæri sem opnuðust með brotthvarfi helsta keppinautarins. Engir nýir áfangastaðir hafa verið kynntir og tíðni ferða til annarra staða óbreytt ef frá er talin ein aukaferð í viku til Alicante. Þvert á móti hefur Icelandair þurft að skera niður sumaráætlun sína vegna kyrrsetningar á Boeing MAX þotunum sem sett var á um miðjan mars. Ekki liggur fyrir hvenær flugvélarnar fá flugheimild á ný en í gær tilkynnti Icelandair að fella yrði niður ferðir fram í lok október vegna ástandsins. Þá lýkur sumaráætlun flugfélaganna formlega og um leið fækkar þotum erlendra flugfélaga við Flugstöð Leifs Eiríkssonar.

Hversu mikill samdrátturinn verður í fluginu í vetur liggur ekki fyrir en í byrjun næstu viku verða flugfélög að staðfesta umsóknir sínar um afgreiðslutíma á Keflavíkurflugvelli frá lokum október og fram í enda mars. Sú vetraráætlun sem Isavia tilkynnir væntanlega í kjölfarið gæti þó tekið umtalsverðum breytingum því nú mun írskur fjárfestingasjóður, í félagi við tvo af fyrrum stjórnendum WOW air, sjá tækifæri í að stofna nýtt lággjaldaflugfélag hér á landi. Samkvæmt frétt Fréttablaðsins er ætlunin að reka sex flugvélar til að byrja með og fljúga til sextán áfangastaða bæði Norður-Ameríku og Evrópu. Til samanburðar bauð WOW air til sextán áfangastaða í álfunum tveimur í mars síðastliðnum. Ekki kemur fram hvaða áfangastaði nýtt flugfélag stefnir á en það gæti reynst torsótt að fá tíma á vinsælum flugvöllum eins og Amsterdam, Frankfurt, Gatwick og í New York.

Írski fjárfestingasjóðurinn, sem er í eigu eins af afkomendum stofnenda Ryanair flugfélagsins, hyggst leggja rúma fimm milljarða verkefnið gegn 75 prósent hlut í flugfélaginu. Fjórir Íslendingar, þar af tveir af fyrrverandi yfirmönnum WOW air, myndu eiga fjórðungs hlut á móti fjárfestingafélaginu. Samkvæmt heimildum Fréttablaðsins hefur  fjárfestahópurinn biðlað til að minnsta kosti tveggja banka, Arion banka og Landsbankans, um nærri fjögurra milljarða króna lán í eitt ár.

Arion banki hefur komið illa út úr lánveitingum til flugrekenda undanfarið og tapaði bankinn nokkrum milljörðum króna í vetur á gjaldþrotum Primera Air og WOW air. Hjá Landsbankunum tók Icelandair svo um 10 milljarða króna lán, til fimm ára, í mars síðastliðnum.

Að hinu nýja íslenska flugfélagi kemur ráðgjafafyrirtækið Irelandia Aviation sem er í eigu eins af stofnendum Ryanair flugfélagsins. Tengsl verkefnsisins við þetta stærsta lággjaldaflugfélag Evrópu eru því töluverð en Irelandia Aviation hefur líka komið að rekstri lággjaldaflugfélaga vestanhafs og í Asíu sem öll eru kennd við svokallaða últra lággjaldastefnu þar sem farþegar borga aukalega fyrir næstum allt nema farmiðann sjálfan. Á sama hátt eru verktakasamningar við flugliða algengir, þess háttar tíðkast til að mynda hjá Ryanair.

Skúli Mogensen, einn af stofnendum WOW og forstjóri þess, mun ekki koma að hinu nýja íslenska flugfélagi samkvæmt frétt RÚV. Skiptastjóri þrotabús WOW air sagði í samtali við Vísi í gær að búið væri að selja verðmætustu eignir flugfélagsins og kaupendur væru ekki þeir sem nú vinna að stofnun hins nýja flugfélags sem hlotið hefur vinnuheitið WAB.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …