Samfélagsmiðlar

Fleiri farþegar þrátt fyrir kyrrsettar MAX þotur

Nærri 73 þúsund fleiri farþegar nýttu sér flugferðir Icelandair í júní og þoturnar voru þéttsetnari en áður.

Nærri níu af hverjum tíu sætum um borð í þotum Icelandair voru skipuð farþegum í júni.

Upphafleg sumaráætlun Icelandair byggði á því flugfélagið hefði níu Boeing MAX þotur til umráða. Allar flugvélar af þeirri tegund voru hins vegar kyrrsettar um miðjan mars og það skarð sem þoturnar skyldu eftir sig var aðeins að hluta til fyllt með leiguflugvélum. Samanlagður sætafjöldi í flugflotanum dróst því saman. Engu að síður jókst framboð félagsins á flugsætum um átta af hundraði í nýliðnum júní. Skýringin á því liggur að miklu leyti í nýrri flugáætlun sem félagið innleiddi í vor sem eykur nýtinguna á flugflotanum eins og Túristi hefur áður fjallað um.

Farþegum Icelandair í júní fjölgaði svo hlutfallslega meira en sem nemur auknu framboði því fimmtán prósent fleiri nýttu sér ferðir félagsins. Samtals nam fjöldinn um 553 þúsund farþegum og var sætanýtingin 88 prósent samanborið við 84,4 prósent í júní í fyrra og 86 prósent í júní 2017.

Sætanýting er almennt há hjá flugfélögum á sumrin og þannig var nýtingin 91,7 prósent hjá KLM í júní, 89,4 prósent hjá Air France og 90,4 hjá Delta í Bandaríkjunum. Hjá SAS lækkaði nýtingin hins vegar lítillega og fór niður í 81,5 prósent en meðalfargjaldið hækkaði hins vegar umtalsvert líkt. Stjórnendur Icelandair deila hins vegar ekki upplýsingum um verðþróun með sama hætti.

Farþegahópurinn í vélum Icelandair hefur breyst umtalsvert síðustu mánuði. Nú eru ferðamenn á leið til Íslands mun fleiri í farþegarýminu og voru þeir um 211 þúsund í júní eða 41 prósent fleiri en á sama tíma í fyrra. Tengifarþegar eru ennþá fjölmennastir en lítilsháttar samdráttur varð í fjölda þeirra í júní. Farþegum sem hefja ferðalagið á Íslandi fjölgaði hins vegar um rúmlega fjórðung.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …