Samfélagsmiðlar

Íslandsflugið vinsælt hjá Asíubúum

Finnska flugfélagið Finnair ætlar að bæta tveimur brottförum í viku til Íslands í vetur. Íslendingar áttu stóra hlut í félaginu fyrir um áratug síðan.

finnair a

Þotur finnska flugfélagsins Finnair hafa verið fastagestir á Keflavíkurflugvelli allt frá því að Íslandsflug félagsins hófst í apríl 2017. Upphaflega var ætlunin að bjóða aðeins upp á áætlunarferðir hingað frá vori og fram á haust en viðtökurnar voru það góðar að félagið bætti Íslandi strax við vetraráætlun sína. Og nú sjá Finnarnir tækifæri í ennþá tíðari brottförum því þeim verður fjölgað úr þremur í fimm í viku næstkomandi vetur. Þetta staðfestir talsmaður félagsins í svari til Túrista.

Þar kemur líka fram að áfram njóti Ísland mikilla vinsælda hjá asískum farþegum en Finnair er mjög stórtækt í flugi til Austurlanda fjær. Þannig fljúga þotur félagsins reglulega til sjö kínverskra borga auk nokkurra áfangastaða í Japan og Suður-Kóreu. Það kemur þeim íslenskum farþegum vel sem stefna á ferðalög til þessara landa. Sérstaklega þeim sem kjósa að ferðast á einum miða og vera þá á ábyrgð flugfélagsins ef seinkanir riðla ferðaplönum. Auk Finnair býður Icelandair upp á flug til Helsinki og vetraráætlun félagsins gerir ráð fyrir morgunferðum þangað alla daga vikunnar.

Það er finnska ríkið sem fer með meirihluta í Finnair en stuttu fyrir hrun var FL-Group næststærsti eigandinn með 22 prósent hlut. Þá settist þá Sigurður Helgason, fyrrum forstjóri Icelandair, í stjórn finnska flugfélagsins fyrir íslensku eigendurna. Þeir losuðu svo sinn hlut með töluverðu tapi vorið 2008. Þá var afkoma Finnair neikvæð en félagið hefur verið á siglingu síðustu ár og skilað góðum afgangi. Skrifast viðsnúningurinn oftar en ekki á hið umsvifamikla Asíuflug félagsins.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …