Samfélagsmiðlar

Vangreiddu flugvallagjöldin nema um helmingi af hagnaði Isavia

Eftir dóm Héraðsdóms í morgun þá er ALC flugvélaleigunni frjálst að sækja kyrrsettu flugvélina sem staðið hefur við Leifsstöð síðan í lok mars. Dómnum hefur nú þegar verið áfrýjað.

Hinn kyrrsetta TF-GPA á Keflavíkurflugvelli.

Isavia ber að afhenda bandarísku flugvélaleigunni ALC þotuna sem kyrrsett var í kjölfar gjaldþrots WOW air í lok mars. Þetta kemur fram í dómi Héraðsdóms Reykjaness sem kveðinn var upp í morgun. Kyrrsetning Isavia byggði á rúmlega tveggja milljarða króna vangreiddum notendagjöldum WOW air á Keflavíkurflugvelli en vanskilin hófust síðla árs 2017. Í dómi Héraðsdóms segir að ALC bæri eingöngu að greiða þau flugvallagjöld sem urðu til vegna kyrrsettu þotunnar en ekki allar skuldir WOW air við Isavia.

Í kjölfar dómsins í morgun sendi Isavia frá sér yfirlýsingu þar sem lýst er furðu með niðurstöðu Héraðsdóms Reykjaness, sérstaklega í ljósi þess að hún væri í miklu ósamræmi við fyrri umfjöllun Landsréttar um málið. „Þar lýsti Landsréttur með mjög skýrum hætti skoðun æðra dómsstigs á túlkun lagaákvæðsins. Þá teljum við verulega ámælisvert að beiðni um frestun réttaráhrifa sé hafnað í ljósi þeirra fjárhagslegu hagsmuna sem undir eru.“

Er þar vísað til þeirrar staðreyndar að ALC getur nú sótt þotuna og Isavia er því ekki lengur með tryggingu fyrir ógreiddu notendagjöldunum jafnvel þó málarekstur haldi áfram í deilunni. Mbl.is sagði svo frá því fyrir stundu að Isavia hefði nú þegar áfrýjað málinu til Landsréttar.

Sem fyrr segir námu ógreiddu notendagjöld WOW air á Keflavíkurflugvelli rúmum tveimur milljörðum króna. Af þeirri upphæð hafði ALC greitt tæpar níutíu milljónir króna til Isavia vegna þeirra gjalda sem, að þeirra mati, mætti rekja til kyrrsettu þotunnar. Eftir standa því einnþá um tveir milljarðar auk mögulegra skaðabóta til flugvélaleigunnar ef endanleg niðurstaða verður Isavia í óhag. Hagnaður Isavia á síðasta ári helmingast þá en hann nam 4,3 milljörðum kr. í fyrra.

Samkvæmt upplýsingum frá Isavia þá gerði fyrirtækið kröfu í þrotabú WOW air vegna skuldarinnar sem nú er deilt um.

 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …