Samfélagsmiðlar

13.500 krónur á hvern farþega WOW

Lýstar kröfur í þrotabú WOW air námu rétt rúmlega 138 milljörðum króna. Sú langstærsta er frá eiganda breiðþotanna sem leigðar voru til 12 ára en aldrei teknar í notkun.

wow radir

Samtals flutti WOW air um 10,2 milljónir farþega.

Jómfrúarferð WOW air var á dagskrá þann 31. maí 2012 og síðasta brottförin frá Keflavíkurflugvelli var seinnipart dags þann 27. mars síðastliðinn. Á þessu nærri sjö ára tímabili flutti WOW air samtals um 10,2 milljónir farþega. Kröfur í þrotabú þess námu rétt rúmlega 138 milljörðum króna. Það jafngildir um 13.500 krónum á hvern og einn farþega í sögu félagsins.

Þessi upphæð skrifast að töluverðu leyti á háar kröfur flugvélaleiga sem áttu þoturnar sem WOW nýtti. Þannig er stærsta krafan frá CIT Aerospace International sem er eitt af dótturfyrirtækjum Avolon flugvélaleigunnar sem leigði WOW samtals sjö Airbus þotur í gegnum mismunandi undirfélög.

CIT Aerospace International krefst 52,8 milljarðar króna úr þrotabúinu samkvæmt frétt Viðskiptablaðsins. Tólf ára leigusamningur fyrirtækisins, á fjórum splunkunýjum Airbus breiðþotum, til WOW air var kynntur í mars 2017. Tvær þeirra voru tilbúnar til afhendingar um síðustu áramót og höfðu fengið heitin TF-BIG og TF-MOG(ensen). Afhending á þotunum dróst þar sem málarar Airbus stóðu sig ekki í stykkinu. En líkt og Túristi greindi frá í ársbyrjun þá mátti áætla að heildar skuldbinding WOW air, vegna þessara tveggja þota, næmi á bilinu 20 til 30 milljörðum. Og að sú upphæð myndi tvöfaldast þegar seinni tvær þoturnar væru tilbúnar.

Reyndar átti WOW air að hafa náð samkomulagi við leigusalann samkvæmt frétt Fréttablaðsins þann 27. febrúar síðstliðinn. Deginum áður en fresturinn sem skuldabréfaeigendur höfðu gefið Indigo Partners til að ganga frá kaupum á stórum hlut í WOW. Í frétt blaðsins var fullyrt að með samkomulagi við flugvélaleigur hefði síðasta skilyrðinu, sem stæði í vegi fyrir fjárfestingu Indigo Partners í flugfélaginu, verið fullnægt og unnið væri að því að leggja lokahönd á viðskiptin. Það reyndist hins vegar ekki rétt því akkúrat á þessum tímapunkti leitaði forsvarsfólk WOW air á ný til Icelandair.

Þess má geta að breiðþoturnar TF-WOW og TF-LUV sem WOW tók í notkun sumarið 2016 voru jafnframt í eigu CIT Aerospace. Leigusalinn leysti þær til sín með stuttum fyrirvara í lok nóvember og nokkrum dögum síðar rifti Icelandair kaupum sínum á keppinautnum. TF-WOW og TF-LUV eru nú hluti af flugflota Turkish Airlines og þriðja breiðþotan sem WOW air hafði, TF-GAY, er líka hjá tyrkneska flugfélaginu og skráð sem TC-LOL.

 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …