Samfélagsmiðlar

Færri túristar frá Texas

Nú þegar American Airlines leggur niður flug sitt milli Íslands og Dallas er ljóst að íslensk ferðaþjónusta sér á eftir þúsundum ferðamanna frá borginni.

Frá Dallas í Texas. Eins og staðan er núna þá verður ekki flogið þangað frá Keflavíkurflugvelli næsta sumar.

Íslandsflug frá Dallas í Texas var í fyrsta sinn á boðstólum síðastliðið sumar. Þá flugu þotur American Airlines, Icelandair og WOW air reglulega til borgarinnar frá vori og fram á haust. Nærri eitt hundrað þúsund farþegar nýttu sér þessar flugsamgöngur og miðað við þær upplýsingar sem Túristi fékk frá flugmálayfirvöldum borgarinnar þá voru bandarísku ferðamennirnir, sem hingað komu frá Dallas, um 24 þúsund. Það eru nokkru fleiri ferðamenn en heimsóttu Ísland frá Sviss á sama tíma.

Nú í sumar hefur American Airlines verið eitt um flugið hingað frá Dallas en engu að síður ætlar félagið ekki að halda áfram á næstu ári líkt og greint var frá í morgun. Þess í stað munu þotur þessa stærsta flugfélags í heimi fljúga hingað daglega frá Philadelphia á austurströnd Bandaríkjanna næsta sumar.

Ekki liggur fyrir hversu margir hafa nýtt sér flugferðir American Airlines hingað frá Dallas í sumar. En gera má ráð fyrir að sæti séu fyrir rétt rúmlega tuttugu þúsund farþega í ferðum félagsins til Keflavíkurflugallar í sumar og haust. Þetta framboð dettur hins vegar út á næsta ári nema stjórnendur Icelandair sjái tækifæri í að taka upp þráðinn í Dallas nú þegar American Airlines ætlar að snúa sér annað. Á sama tíma gæti Icelandair hins vegar látið gott heita í Philadelphia en þangað hefur félagið flogið síðustu tvö sumur. Samkeppnin við American Airlines í Dallas í fyrra reyndist íslenska félaginu nefnilega erfið.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …