Samfélagsmiðlar

Hætta flugi til Portland

Nú gera áætlanir Icelandair ráð fyrir að Boeing MAX þoturnar fari ekki í loftið fyrr en í byrjun næsta árs. Dregið verður úr brottförum til Norður-Ameríku og vetrarflug til Portland leggst af.

portland Zack Spear

Frá Portland borg sem ekki verður hluti af vetraráætlun Icelandair.

Nú er fimm mánuðir liðnir frá því að Boeing MAX þotur voru kyrrsettar um heim allan í kjölfar tveggja mannskæðra flugslysa. Ennþá sér ekki fyrir endann á flugbanninu og í kvöld sendi Icelandair frá sér tilkynningu þar sem fram kemur að uppfærð flugáætlun félagsins gerir ekki ráð fyrir þotunum fyrir árslok. Áður var reiknað með þotunum í lok október þegar vetraráætlun flugfélaga hefst formlega.

Ein af afleiðingum þessarar seinkunar er að Icelandair gerir hlé á áætlunarflugi til bandarísku borgarinnar Portland í Oregon fylki en tekur aftur upp þráðinn í borginni næsta sumar.

Samkvæmt því sem fram kemur í tilkynningu Icelandair þá eykst heildarsætaframboð félagsins í nóvember og desember um tæplega 3 prósent miðað við sama tímabil 2018 þrátt fyrir breytingarnar. Skýrist það af tíðari ferðum til Kaupmannahafnar, Dublin, Brussel og Berlínar og eins bandarísku borganna Minneapolis, Denver og Orlando auk Vancouver í Kanada.

Yfirstandandi sumaráætlun Icelandair gerði ráð fyrir að félagið hefði níu MAX þotur í rekstri. Fimm þotur voru leigðar í staðinn og ein þeirra verður áfram í flugflota Icelandair í vetur.

Eins og fram kom í uppgjöri annars ársfjórðungs hjá Icelandair þá er félagið í viðræðum við Boeing um að fá allt fjárhagslegt tjón sem hlotist hefur af kyrrsetningu Boeing MAX þotanna bætt.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …