Samfélagsmiðlar

Helmingi fleiri Íslendingar í Vín

Nú er hægt að fljúga beint héðan til höfuðborgar Austurríkis allt árið um kring og greinilegt að landinn nýtir sér það.

vin2

Frá Vínarborg.

Næturflug yfir hásumarið hefur lengi verið eina beina flugið milli Íslands og Vínarborgar en í vetrarlok hóf Wizz Air að fljúga hingað frá austurrísku höfuðborginni og mun halda ferðunum úti í allan vetur. Þessari samgöngubót hafa Íslendingar tekið vel því samkvæmt tölum ferðamálaráðs Vínarborgar þá fjölgaði íslenskum gestum á hótelum borgarinnar um rúman helming á fyrri hluta ársins. Hátt í tvö þúsund og fimm hundrað Íslendingar tékkuðu sig á þessu tímabili inn á hótel eða gistihús í borginni og keyptu samtals 6.392 gistinætur.

Íslensku gestirnir leggja sig flestir á fjögurra stjörnu hótelum í Vínarborg samkvæmt tölfræði ferðamálaráðsins fyrir júní mánuð. Þar sést að um helmingur íslensku gistináttanna er á hótelum í þeim flokki. Um fjórðungur á þriggja stjörnu hótelum en um tíunda hver nótt á fimm stjörnu hótelum. Aðrir sofa á gistiheimilum eða lakari hótelum. Gera má ráð fyrir að þeir sem bóka gistingu hjá Airbnb séu ekki meðtaldir.

Á sama tíma og íslenskum túristum hefur fjölgað í Vínarborg þá hafa fleiri Austurríkismenn lagt leið sína hingað í ár. Nemur aukningin sjö af hundraði en hlutfallslega hefur aðeins orðið meiri fjölgun í komum Kínverja og Rússa hingað til lands það sem af er ári.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hagnaðurinn á milli ára. Tekjur félagsins námu 14,5 milljörðum króna og jukust um 30% milli ára og var EBITDA félagsins 3,1 milljarður króna og jókst um fjórðung. „Við erum afar stolt af þeim árangri sem náðist í rekstri félagsins á síðasta ári …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …