Samfélagsmiðlar

Högg fyrir ferðaþjónustuna fyrir norðan

Breska ferðaskrifstofan Super Break sem selt hefur pakkaferðir til Akureyrar frá Bretlandi er gjaldþrota.

Farþegar á vegum Super Break á Akureyrarflugvelli.

Síðustu tvo vetur hefur breska ferðaskrifstofan Super Break boðið upp Íslandsferðir þar sem flogið er beint frá nokkrum breskum borgum til Akureyrar. Áætlunin var að halda uppteknum hætti í vetur og voru fjórtan ferðir á dagskrá frá febrúar og út apríl á næsta ári. Af þeim verður ekki því í dag varð Super Break gjaldþrota líkt og fram kemur í tilkynningu á Twitter síðu ferðaskrifstofunnar. Heimasíða Super Break er ekki lengur aðgengileg.

Ljóst er að Íslandsferðir Super Break hafa verið lyftistöng fyrir ferðaþjónustuna á Norðurlandi og samkvæmt tölum breska flugmálayfirvalda þá nýttu rúmlega sjö þúsund farþegar sér ferðirnar í janúar, febrúar og mars í ár. Þar sem farþegar eru taldir bæði þegar þeir fljúga frá Bretlandi og líka heim þá má gera ráð fyrir að þetta hafi verið um 3.500 einstaklingar. Og í ljósi þess að pakkaferðir Super Break voru ýmist þriggja eða fjögurra nátta þá hafa viðskiptavinir ferðaskrifstofunnar staðið fyrir um 12 þúsund gistinóttum á norðlenskum hótelum fyrstu þrjá mánuðina í ár. Samtals voru erlendar hótelnætur á Norðurlandi um 35 þúsund á tímabilinu og því ljóst að vægi Super Break hefur verið mikið. Gjaldþrotið er því augljóslega áfall fyrir ferðaþjónustuna fyrir norðan. Íslandsflug Super Break hefur notið styrkja úr flugþróunarsjóði.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …