Samfélagsmiðlar

Íslandshótel rekin með tapi

Tekjurnar drógust saman hjá stærstu hótelkeðju landsins á fyrri helmingi ársins og afkoman var neikvæð. Öfugt við sama tíma í fyrra. Framkvæmdastjóri Íslandshótela segir sumarið hafa verið þokkalegt og horfurnar ágætar.

Frá Fosshótel Reykjavík sem er eitt af þeim hótelum sem tilheyra Íslandshótelum.

Það eru sautján hótel út um allt land sem tilheyra Íslands­hót­elum og fyrirtækið er það umsvifamesta á íslenska hótelmarkaðnum. Reksturinn á fyrri helmingi ársins gekk hins vegar mun verr en á sama tíma í fyrra. Þá nam heildarhagnaðurinn um 292 milljónum króna en núna var hótelkeðjan rekin með nærri 184 milljón króna tapi samkvæmt nýbirtu uppgjöri fyrirtækisins.

Skýringin á þessari neikvæðu þróun liggur fyrst og fremst í samdrætti á tekjum að sögn Davíðs Torfa Ólafssonar, framkvæmdastjóra Íslandshótela. Nefnir hann sem dæmi að janúar og apríl hafi verið mjög slakir en verkföll settu mark sitt á síðarnefnda mánuðinn.

Tekjur Íslandshótela á fyrri helmingi ársins námu nærri 4,9 milljörðum króna sem er lækkun tæpan hálfan milljarð frá sama tíma í fyrra. Heildargjöldin lækkuðu um nærri helmingi lægri upphæð en launakostnaður hækkaði milli tímabila.

Að sögn Davíðs Torfa þá hefur sumarið verið þokkalegt hjá Íslandshótelum og horfurnar ágætar. Fyrirtækið á meðal annars Fosshótel Reykjavík sem er stærsta hótel landsins og einnig Grand Hótel Reykjavík. Fosshótel Íslandshótela er að finna í öllum landsfjórðungum.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …