Samfélagsmiðlar

Kaliforníuflug heyrir sögunni til

Í annað sinn á þessari öld hættir Icelandair flugi til San Francisco. Kansas City hverfur einnig úr leiðakerfi félagsins eftir aðeins tvö sumur.

Frá San Francisco

Á árunum fyrir hrun flugu þotur Icelandair til San Francisco yfir sumarmánuðina. Félagið tók svo aftur upp þráðinn þar í borg í sumarbyrjun í fyrra og var þá í samkeppni við WOW air sem hafði sinnt flugi til San Francisco allt árið um kring frá 2016. Þrátt fyrir brotthvarf keppinautsins þá sjá stjórnendur Icelandair samt ekki tækifæri í að halda áfram flugi til borgarinnar. Í tilkynningu frá flugfélaginu segir að ein af fjórum Boeing 767 breiðþotum félagsins, sem nýtt var í flug til San Fransisco, verði núna notuð með „arðbærari hætti“ í leiðakerfinu.

Þá sex mánuði sem Icelandair flaug til San Francisco í fyrra þá nýttu 46.956 farþegar sér ferðir félagsins en til samanburðar þá flutti WOW 126.752 farþega til og frá borginni alla tólf mánuði síðasta árs samkvæmt upplýsingum frá bandarískum flugmálayfirvöldum. Að jafnaði voru um 77 af hverjum hundrað sætum skipuð farþegum hjá Icelandair en hlutfallið var 82 prósent hjá WOW air.

Ekki liggur fyrir hversu hátt hlutfall skiptifarþega var en hafa ber í huga að farþegar eru taldir á hverjum fluglegg. Sá sem fer fram og tilbaka er því tvítalinn. Í ljósi fjöldans þá má þó gera ráð fyrir að brotthvarf beinnar tengingar við San Francisco sé töluverður missir fyrir íslenska ferðaþjónustu. Í ofan á lag þá hvarf flug til Los Angeles af dagskrá WOW air í lok síðasta árs. Þar með eru þessar tvær fjölmenntustu borgir Kaliforníu ekki lengur hluti af leiðakerfi Keflavíkurflugvallar.

Til viðbótar við niðurfellingu á flugi til San Francisco þá ætla stjórnendur Icelandair einnig að hætta flugi til Kansas City. Jómfrúarferð félagsins þangað var farin í lok maí í fyrra og var Icelandair eina evrópska flugfélagið sem flaug til borgarinnar. Koma íslenska félagsins þangað vakti því töluverða athygli og fékk flugið töluverðan fjárhagslegan styrk frá heimamönnum. Þannig bauðst viðskiptaráð borgarinnar til að greiða upp tap af flugleiðinni fyrsta árið ef Icelandair gæti sýnt fram á slíkt samkvæmt frétt Kansas City Star.

Nú getur þú tekið þátt í að styrkja og efla útgáfu Túrista

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …