Samfélagsmiðlar

Nokkuð óvænt viðvörun til flugfarþega

Nú í haust eru farþegar á leið í morgunflug frá Keflavíkurflugvelli beðnir um að mæta fyrr en vanalega til að komast hjá langri bið í Leifsstöð. Engu að síður er ferðafjöldinn álíka og í fyrra.

kef taska 860

Þrátt fyrir brotthvarf WOW air þá telja stjórnendur Keflavíkurflugvallar stefna í lengri biðtíma í innritun og öryggisleit í morgunsárið nú í september og október. „Ástæða þess að álag verður á þessu tímabili er að breyting hefur orðið á dreifingu ferða flugfélaga og hafa ferðir sem áður voru áætlaðar seinna um morguninn verið færðar í þennan fyrsta brottfararhluta dagsins,“ segir í tilkynningu frá Isavia. Ekkert flugfélag er sérstaklega tilgreint en í ljósi þess að Icelandair er eiginlega eitt um morgun traffíkina frá Keflavíkurflugvelli þá má ljóst vera að þarna er vísað til breytinga á flugáætlun Icelandair.

Samkvæmt samanburði Túrista á fjöldi morgunbrottfara hjá Icelandair næstu fimm daga þá mun félagið standa fyrir að jafnaði tuttugu og tveimur brottförum á dag í stað tuttugu á sama tíma í fyrra. Mest er viðbótin á morgun mánudag og á miðvikudaginn. Hina dagana ætti álagið að vera það sama og í fyrra. Þessi viðvörun frá Isavia er þá mögulega vísbending um hversu litlir möguleikar eru fyrir Icelandair að bæta við ferðum í morgunsárið en í sumar hefur félagið boðið upp á brottfarir á hefðbundnum tímum milli klukkan 7 og hálf níu og svo aftur milli kl. 10 og 11.

Seinni brottfarartímarnir voru á dagskrá fram í miðjan september en núna eru bara fyrri tímarnir í boði. Og þar með þarf að biðja farþega um að mæta að minnsta kosti tveimur og hálfum klukkutíma fyrir brottför til að komast hjá aukinni bið í innritun og öryggisleit.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …