Samfélagsmiðlar

Minna framboð og sætanýtingin eykst

Þotur Icelandair voru þéttsetnari í október en dæmi eru um á þessum tíma árs sl. áratug. Hluta af bætingunni má væntanlega rekja til töluverðs niðurskurðar á framboðnum flugsætum.

Þota Icelandair á flugbraut við Tegel flugvöll í Berlín.

Að jafnaði voru 85,3 prósent sæta í flugvélum Icelandair skipuð farþegum í október. Það er betri nýting en verið hefur í þessum mánuði síðastliðinn áratug samkvæmt því sem sjá má á farþegatölum félagsins. Á sama tíma minnkaði framboð á flugsætum um þrettán prósent.

Þessi bætta nýting er meðal annars áhugaverð í ljósi þess að á þriðja ársfjórðungi lækkaði hlutfall seldra sæta hjá Icelandair þrátt fyrir að helsti keppinauturinn væri horfinn af sjónarsviðinu. Ójafnvægi í leiðakerfi, vegna kyrrsetningar MAX þotanna, var kennt um.

Núna virðist sú staða ekki hrjá félagið þegar litið er til sætanýtingar. Ekki liggur fyrir hvort m.a. megi rekja þessa auknu nýtingu til lægri meðalfargjalda, líkt og stundum er raunin hjá þeim flugfélögum sem veita þannig upplýsingar, eða til fyrrnefnds samdráttar á sætum.

Ef fargjöldin hafa farið hækkandi í október og nýtingin batnað á sama tíma þá gæti sá árangur sannfært stjórnendur Icelandair um að draga jafnvel úr framboði næstu misseri. Markmiðið yrði þá að fá meira fyrir hvert sæti og um leið fljúga þéttsetnari þotum en síðastliðið sumar.

Verði sú stefna ofan á þá gæti það dregið úr fjölda ferðamanna hér á landi á næsta ári enda ekki útlit fyrir í dag að erlend flugfélög bæti samanlagt við framboð sitt á Íslandsflugi. Á sama tíma er ekki ljóst hversu mikið af sætum Play flugfélagið mun hafa á boðstólum. Þannig er ekki víst að félagið fái leyfi fyrir flug til Bandaríkjanna næsta sumar sem er einn af óvissuþáttunum í kringum Play.

Nú getur þú tekið þátt í að styrkja og efla útgáfu Túrista

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …