Samfélagsmiðlar

20 fjölförnustu flugvellirnir í Evrópu

Sem fyrr er það Heathrow flugvöllur í London sem flestir farþegar fljúga til og frá. Hástökkvari síðasta árs er aftur á móti flugvöllurinn í Vínarborg en þar bættist einmitt við heilsársflug til Íslands síðastliðinn vetur.

Flugvél að koma inn til lendingar á Heathrow flugvelli London.

Þó farþegafjöldinn á Heathrow flugvelli í London hafi verið nær óbreyttur í fyrra þá breytir það engu um stöðu hans á toppi listans yfir fjölförnustu flughafnir Evrópu. Alls áttu 80 milljónir farþega leið um flugstöðvar Heathrow á nýliðnu ári sem er nokkru meira en á Charles de Gaulle í París sem er í öðru sæti með rétt rúmlega 76 milljónir farþega. Schiphol í Amsterdam kemur þar á eftir og svo Frankfurt. Í fimmta sæti listans yfir stærstu flughafnir Evrópu eru flugvellirnir Istanbul í Tyrklandi.

Samkvæmt samantekt danska netmiðilsins Checkin þá er Vínarflugvöllur hástökkvari ársins í Evrópu. Þar fjölgaði flugfarþegum um sautján prósent. Skýringin liggur helst í því að flugfélagið Laudamotion er komið á fleygiferð eftir að Ryanair tók þar við stjórnartaumunum en einnig fluttu easyJet og Wizz Air hluta starfsemi sinni þangað. Það síðastnefnda flýgur einmitt þaðan til Íslands allt árið um kring.

Í heildina er flogið frá Keflavíkurflugvelli til sextán af þeim tuttugu flugvöllum í Evrópu sem komast á topplistann í ár. Þeir sem út af standa eru flugvellirnir í Istanbúl, Róm, Lissabon og Palma á Mallorca.

Stærstu flugvellir Evrópu árið 2019 samkvæmt úttekt Checkin:

  1. Heathrow í London – 80 milljónir
  2. Charles de Gaulle í París – 76,2 milljónir
  3. Schiphol í Amsterdam – 71,7 milljónir
  4. Frankfurt flugvöllur – 70,6 milljónir
  5. Istanbul&Ataturk – 68,6 milljónir
  6. Barajas í Madríd – 61,7 milljónir
  7. El-Prat í Barcelona – 52,7 milljónir
  8. Sheremetyevo í Moskvu – 49,4 milljónir
  9. Munchen flugvöllur – 47,9 milljónir
  10. Gatwick í London – 46,5 milljónir
  11. Fiumicino í Róm – 43,5 milljónir
  12. Dublin flugvöllur – 32,9 milljónir
  13. Orly í París – 31,9 milljónir
  14. Vínarflugvöllur – 31,7 milljónir
  15. Zurich flugvöllur – 31,5 milljónir
  16. Lissabon flugvöllur – 31,2 milljónir
  17. Kaupmannahafnarflugvöllur – 30,3 milljónir
  18. Palma de Mallorca – 29,7 milljónir
  19. Manchester flugvöllur – 29,4 milljónir
  20. Malpensa í Mílanó – 28,8 milljónir

 

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …