Samfélagsmiðlar

Ekki fleiri MAX þotur framleiddar í bili

Nú koma ekki lengur nýjar Boeing MAX þotur út úr verksmiðju flugvélaframleiðandans í Renton í Washington fylki.

Starfsmenn Boeing fögnuðu þegar fyrsta Boeing MAX 10 þotan kom út úr verksmiðjunni í Renton. Nú hefur framleiðslan verið stöðvuð.

Allt frá því að Boeing MAX þotur voru kyrrsettar á heimsvísu um miðjan mars í fyrra, í kjölfar tveggja mannskæðra flugslysa, þá hafa stjórnendur Boeing reiknað með að þoturnar komist á loft á ný hvað úr hverju. Þeir hafa því haldið framleiðslu þotanna áfram og framleitt um 42 þotur í hverjum mánuði allt frá því flugbannið var sett á fyrir rúmum tíu mánuðum síðan.

Eftir að yfirmaður flugmálayfirvalda vestanhafs gaf það út í desember síðastliðnum að það yrði áfram bið eftir því að kyrrsetningunni yrði aflétt þá játuðu stjórnendur Boeing sig sigraða og tilkynntu að framleiðslu MAX þotanna yrði hætt tímabundið.

Ekki kom fram nákvæmlega hvenær það yrði en samkvæmt frétt CNN hefur færibandið í verksmiðju Boeing í Renton í Washington fylki nú verið stöðvað. Það er því ekki von á nýjum MAX þotum þaðan á næstunni en þess háttar flugvélar standa nú í hundraða tali á flugbrautum í Washington og Texas fylki.

Boeing sagði ekki upp neinum starfsmönnum vegna ástandsins og segir í frétt CNN að skýringin á því liggi í lágu atvinnuleysi vestanhafs. Boeing má nefnilega ekki við því að starfsfólkið ráði sig til vinnu annars staðar þegar MAX vélarnar fá að taka á loft á ný. Og miðað við breyttar flugáætlanir stóru flugfélaganna í Bandaríkjunum verður það fyrst í byrjun júní. Flugáætlun Icelandair gerir ráð fyrir þotunum í rekstur í maí.

Þeim fjölgar nú sem taka undir fyrri yfirlýsingar Donald J. Trump Bandaríkjaforseta um að Boeing ætti að endurnefna MAX þoturnar. Stjórnendur Ryanair hafa þannig unnið að breytingum á merkingum sinna þota fyrir og í vikunni lét Steven Udvar-Hazy, stjórnarformaður ALC flugvélaleigunnar, hafa það eftir sér að hann teldi nafngiftina ómögulega.

Þess má geta að Udvar-Hazy er sá sem leigði WOW air stóran hluta af Airbus þotum félagsins og meðal annars flugvélina sem Isavia kyrrsetti eftir fall íslenska flugfélagsins.

VILTU BÆTAST Í HÓP ÞEIRRA SEM STYÐUR VIÐ ÚTGÁFU TÚRISTA?

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …