Samfélagsmiðlar

Fljúga héðan til Birmingham og Manchester næsta haust

Áfram bætir breska ferðaskrifstofan Jet2CityBreaks við ferðum til Íslands og núna geta farþegar hér á landi nýtt sér ferðirnar að hluta.

Þota Jet2 á Keflavíkurflugvelli.

Stjórnendur flugfélagsins Jet2.com og ferðaskrifstofunnar Jet2CityBreaks, hafa ákveðið að fjölga ferðunum til Íslands næsta vetur. Hingað til hafa ferðir þessara systurfélaga hingað til lands aðeins verið fyrir farþega sem hefja ferðalagið í Bretlandi. Núna er aftur á móti hægt að bóka flug með félaginu héðan til Birmingham og Manchester en aðeins í október og nóvember. Ódýrustu miðarnir kosta rétt rúmar fimm þúsund krónur.

Frá Keflavíkurflugvelli fljúga þotur easyJet og Icelandair allt árið um kring til Manchester en áætlunarflug til Birmingham hefur ekki verið í boði héðan síðan Icelandair hætti flugi til borgarinnar fyrir tveimur árum síðan. Þar á undan spreytti Flybe sig á ferðum hingað frá þessari næst fjölmennustu borg Bretlands. Einnig stóð til að Primera Air myndi fljúga milli Birmingham og Íslands en félagið varð gjaldþrota áður en jómfrúarferðin var farin.

Auk þess að fljúga hingað til lands með breska ferðamenn frá Birmingham og Manchester þá býður Jet2.com upp á Íslandsferðir frá sjö öðrum breskum flugvöllum. Þær reisur virðast að langmestu leyti vera hugsaðar fyrir þá sem hefja ferðalagið í Bretlandi.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …