Samfélagsmiðlar

Möguleg uppgrip í flughermi Icelandair

Það eru aðeins starfræktir 34 Boeing MAX flughermar í heiminum í dag. Nú vilja stjórnendur flugvélaframleiðandans að allir flugmenn fari í flughermi á ný áður en þeir fari í loftið með þoturnar umtöluðu.

MAX flughermir Icelandair í Hafnarfirði.

Það var um miðjan mars í fyrra sem allar þotur af gerðinni Boeing MAX voru kyrrsettar um heim allan í kjölfar tveggja flugslysa þar sem 346 manns misstu lífið. Þessi mannskæðu slys hafa verið rakin til sérstaks hugbúnaðar í þotunum og ennþá hafa lagfæringar á honum ekki verið samþykktar af flugmálayfirvöldum.

Á meðan á kyrrsetningunni hefur varað hafa stjórnendur Boeing þó fullyrt að flugmenn ættu ekki að þurfa að gangast undir sérstaka þjálfun í flughermi á ný vegna komandi breytinga á stýrikerfi þotanna.

Nú er hins vegar komið annað hljóð í skrokkinn og nú mælist Boeing til þess að allir flugmenn, sem fljúga eiga MAX flugvélum, fari í þjálfun í flughermi áður en farið er í loftið á ný. Þetta kom fram í máli Greg Smith, starfandi forstjóra Boeing, á þriðjudag.

Með þessari breytingu eykst kostnaðurinn við að koma þotunum í rekstur á ný og jafnvel gæti biðin lengst. Á það er nefnilega bent í frétt New York Times að í dag eru aðeins til þrjátíu og fjórir flughermar sem hannaðir eru sérstaklega fyrir MAX flugvélar. Reyndar er ekki útilokað að hermar fyrir eldri gerðina af 737 þotunum dugi en það er þó ekki fullvíst. Um tvö hundruð þess háttar eru til í dag.

Ef þessir eldri hermar duga ekki þá mun stefna í töluverða bið eftir plássum í þessa þrjátíu og fjóra MAX herma en einn þeirra er einmitt í eigu Icelandair og staðsettur í Hafnarfirði.

Sá var tekinn í notkun í hittifyrra og nú gætu orðið uppgrip þar á bæ við að þjálfa MAX flugmenn á nýjan leik og þá ekki bara þá sem starfa hjá Icelandair heldur líka erlend flugfélög.

NÚ GETUR ÞÚ STUTT VIÐ ÚTGÁFU TÚRISTA

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …