Samfélagsmiðlar

Síðasta ferðin til San Francisco

Seinnipartinn í dag er komið að síðustu brottför Icelandair til San Francisco. Þetta er í annað sinn á þessari öld sem félagið hættir flugi til borgarinnar.

Frá San Francisco.

Farþegum á Keflavíkurflugvelli hefur staðið til boða beint flug til bandarísku borginnar San Francisco sleitulaust frá því í júní 2016. Þá fór WOW air jómfrúarferð sína þangað en áður hafði Icelandair spreytt sig á flugi til borgarinnar yfir sumarmánuðina árin 2005 og 2006.

Icelandair tók svo upp þráðinn á ný í San Francisco í júní í hittifyrra en þá hóf félagið að fljúga til fjögurra borga sem WOW air hafði áður setið eitt að.

WOW heltist svo úr lestinni í nóvember í fyrra þegar félagið losaði sig við breiðþotur og setti í forgang flug til Los Angeles. Icelandair var þá eitt eftir í San Francisco og fjölgaði farþegum félagsins þar um nærri fimmtán prósent síðastliðið sumar. Þrátt fyrir það tilkynntu stjórnendur Icelandair í lok september sl. að nú yrði látið staðar numið.

Fyrstu níu mánuðina í ár hafa samtals 59 þúsund farþegar flogið með Icelandair til og frá San Franscisco. Til samanburðar nýttu 115 þúsund farþegar sé ferðir WOW air á sama tímabili í fyrra samkvæmt tölum frá flugmálayfirvöldum borgarinnar. Svona upplýsingar eru ekki opinberar hér á landi og hefur Túristi árangurslaust kært þann upplýsingaskort.

Hafa ber í huga að WOW flaug oftar til borgarinnar og nýtti nokkru stærri flugvélar en Icelandair gerir. Sætanýtingin var líka hærri hjá því fyrrnefnda. Seinni hluta árs 2018 var hún 82 prósent hjá WOW en 76 prósent hjá Icelandair.

Sú staðreynd að WOW air hætti flugi til borgarinnar nokkru fyrir gjaldþrotið er aftur á móti vísbending um flugið þangað hafi ekki skilað nægjanlegum tekjum. Og líklega hefur flugleiðin ekki heldur verið arðbær fyrir Icelandair og því komið að leiðarlokum í dag.

Það vekur athygli að stuttu eftir að Icelandair gaf út að fluginu til San Francisco yrði hætt nú í haust þá bætti Norwegian við ferðum þangað frá fjórum evrópskum borgum. Þær eru allar eru hluti af leiðakerfi Icelandair.

Skýringin á þeirri viðbót er sú að San Francisco og nágrenni mun vera sá hluti Bandaríkjanna þar sem Norwegian gengur best samkvæmt því sem fram kom í viðtali við talsmann flugfélagsins nýverið. Hin norrænu flugfélögin, Finnair og SAS, hafa einnig bætt við við ferðum til San Francisco að undanförnu.

ÞYKIR ÞÉR EITTHVAÐ GAGN Í TÚRISTA?

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …