Samfélagsmiðlar

Þriðja fjölmennasta árið á Keflavíkurflugvelli

Það fóru rúmlega 7,2 milljónir farþega um Flugstöð Leifs Eiríkssonar í fyrra. Það er fjórðungi minna en árið áður.

Á næsta ári er reikna með áframhaldandi fækkun farþega á Keflavíkurflugvelli.

Árið 2018 náði farþegafjöldinn á Keflavíkurflugvelli 9,8 milljónum og hafði hann þá fjórfaldast frá því í byrjun síðasta áratugar. Á nýliðnu ári fækkaði farþegum hins vegar umtalsvert eða um nærri 2,6 milljónir og lokatala ársins því 7,2 milljónir farþega. Samdrátturinn nemur 26 prósentum á milli ára samkvæmt talningu Isavia. Þetta er einnig þónokkuð undir fjöldanum árið 2017 eins og sjá má á súluritinu hér fyrir neðan.

Spá Isavia fyrir næsta ár gerir ráð fyrir áframhaldandi niðursveiflu frá því í fyrra sem skrifast að nokkru leyti á þá staðreynd að WOW air var starfandi fyrstu þrjá mánuði síðasta árs. Þar með gætir áhrifanna af falli félagsins sérstaklega á fyrsta fjórðungi en svo dregur úr samdrættinum. Langmesta fækkunin á nýju ári verður í hópi tengifarþega samkvæmt áætlun Isavia og skýrist það ekki aðeins af falli WOW heldur einnig þeirri staðreynd að fókusinn hjá Icelandair hefur færst yfir á farþega á leið til Íslands í stað þeirra sem eru á leið milli Evrópu og Norður-Ameríku.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …