Samfélagsmiðlar

Útséð með að Icelandair fljúgi MAX þotum í sumar

Stjórnendur Boeing reikna ekki með að flugmálayfirvöld vestanhafs aflétti flugbanni MAX þotanna fyrr en í júní eða júlí. Þar með er nánast útilokað að flugfélög geti nýtt flugvélarnar yfir háannatímann.

Ein af MAX þotum Icelandair í Berlín á sínum tíma.

Annað sumarið í röð er útlit fyrir að í háloftunum verði engar Boeing 737 MAX þotur. Í tilkynningu sem flugvélaframleiðandinn sendi frá sér fyrr í kvöld segir að nú sé fyrst búist við að kyrrsetningu þotanna verði aflétt um mitt þetta ár. Í framhaldinu getur þjálfun flugmanna hafist samkvæmt fréttum vestanhafs. Það líður því einhver tími frá því að vélarnar fá leyfi til flugs á ný og þar til að þær verða nýttar í að ferja farþega.

Þar með er ljóst að flugfélög sem gerðu ráð fyrir þessari tegund flugvéla í sumar verða áfram að fylla í göt með eldri þotum eða leiguflugvélum. Hinn kosturinn er að skera niður sætaframboð yfir þetta arðbærasta tímabil ársins í rekstri flugfélaga.

Icelandair er eitt þeirra flugfélaga sem á mikið undir því að MAX þoturnar komist í loftið á ný. Síðasta sumar ætlaði félagið að fljúga níu þess háttar þotum og gert var ráð fyrir sama fjölda á komandi sumarvertíð. Félagið tilkynnti nýverið um leigu á þremur Boeing 737NG þotum. Í ljósi nýjustu vendinga er stóra spurningin hvort stjórnendur Icelandair nái að leigja fleiri vélar eða þurfi að skera niður fjölda flugferða í sumar.

Ef seinni valkosturinn verður ofan á þá mun það væntanlega hafa þónokkur áhrif á ferðamannastrauminn til Íslands í sumar. Icelandair er nefnilega langumsvifamesta flugfélagið á Keflavíkurflugvelli. Á sama tíma gætu fargjöld hækkað vegna minna framboðs.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …