Samfélagsmiðlar

Ein um sólarlandaferðir til Krítar

Heimsferðir eru eina ferðaskrifstofan sem býður upp á beint leiguflug til grísku eyjunnar í sumar.

Frá Chania á Krít.

Þegar horft er til sölu á sólarlandaferðum þá eru Heimsferðir, Úrval-Útsýn og Vita langstærstu ferðaskrifstofur landsins. Hjá þeim tveimur síðarnefndu takmarkast framboð sumarsins við ferðir til Spánar á meðan Heimsferðir bjóða einnig upp á reglulegar brottfarir til Ítalíu og Krítar.

Gríska eyjan hefur reyndar verið hluti af sumarpróprammi hjá Vita síðustu ár en ekki að þessu sinni. Engin svör hafa fengist hjá framkvæmdastjóra Vita á því hvort þessar breytingar skrifist á minni áhuga á ferðum til Krítar eða að ekki hafi náðst samkomulag við Heimsferðir um sölu flugsætum til eyjunnar. Flugið til Krítar er nefnilega á vegum Heimsferða en líkt og Túristi hefur áður fjallað um þá ríkir nú óvenjulegt ástand á ferðaskrifstofumarkaðnum.

Ástæðan er sú að Arion banki tók Heimsferðir yfir síðastliðið sumar og reynir nú að finna fyrirtækinu nýjan eiganda. Söluferlið hefur tekið um hálft ár og teljast verður líklegt að bæði stjórnendur Vita og Úrval-Útsýn hafi skoðað kaup á keppinautnum. Á sama tíma hefur forsvarsfólk ferðaskrifstofanna tveggja ekki keypt sæti í leiguflug Heimsferða í sumar eins og Krít er dæmi um.

Í staðinn verður farþegum Vita og Úrval-Útsýn flogið suður á bóginn í þotum Icelandair en Vita er einmitt hluti af Icelandair samsteypunni. Heimsferðir þurfa því að standa undir öllum flugferðum til Krítar og fleiri staða án aðstoðar frá keppinautunum. Á dagskrá Heimsferða eru þrettán brottfarir til Krítar frá sumarbyrjun og fram í september.

 

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …