Samfélagsmiðlar

5.300 króna gjafabréf til ferðalaga

Allir íbúar landsins sem náð hafa átján ára aldri fá gjafakort frá stjórnvöldum til að nota til kaupa af íslenskum ferðaþjónustufyrirtækjum. Í ljósi upphæðarinnar þá gætu margir nýtt inneignina í afþreyingu í heimabyggð.

Mynd: Sigurjón Ragnar/sr-photos.com

Það verður áhugavert að sjá hvort íbúar á höfuðborgarsvæðinu nýti hið nýja gjafakort frá stjórnvöldum meira í heimabyggð eða úti á landi.

Kostnaður ríkisins við útgáfu á sérstöku ferðagjafabréfi, sem ætlað er að örva íslenska ferðaþjónustu, nemur einum og hálfum milljarði. Allir landsmenn, 18 ára og eldri, frá sent svona gjafabréf en í þeim hópi eru um 283 þúsund manns samkvæmt Hagstofunni. Það þýðir að hver og einn fær um 5.300 krónur í sinn hlut.

Sú upphæð dugar skammt þegar kemur að hótelgistingu en gæti aftur á móti nýst á ódýrari gististöðum og til að borga fyrir ýmis konar ferðatengda afþreyingu og veitingar. Valkostunum á þeim sviðum hefur fjölgað hratt síðustu ár í takt vð uppgang ferðaþjónustunnar. Þar með gæti fari svo að stór hluti landsmanna noti gjafakortin í heimabyggð í stað þess að nota þau til lækkunar á kostnaði við ferðalag innanlands.

Hin lága upphæð gæti líka orðið til þess að ferðaþjónustufyrirtæki bjóði fólki sem nota gjafabréfin hjá þeim eitthvað aukalega til að fá glæða viðskiptin. Það liggur nefnilega í augum uppi að það skarð sem erlendir ferðamenn skilja eftir sig hér á landi næstu vikur og mánuði verður gríðarlega stórt.

Þannig voru skráðar um 8,4 milljónir gistinótta á íslenskum gististöðum í fyrra samkvæmt tölum Hagstofunnar. Íslendingar sjálfir stóðu undir rétt um 12 prósent af fjöldanum eða um áttundi hverri nótt. Í ljósi þess hve við erum fámenn þjóð í vinsælu ferðamannalandi þá er þetta hlutfall mjög lágt í samanburði við flest önnur lönd.

Í Danmörku er vægi danskra næturgesta jafnt á við útlendinga og í Noregi þá eru Norðmenn nokkru fleiri á gististöðum en útlendingar. Þarna spilar inní hversu margir ferðast í þessum löndum innanlands vegna vinnu.

Eins og sjá má á súluritinu hér fyrir neðan þá er hlutfall íslenskra gesta hæst á Vestfjörðum, Austurlandi og Norðurlandi eystra. Hér er horft til talna Hagstofunnar frá 2018 því skipting gistinótta árið 2019 er ekki tilbúin.


Viltu styðja Túrista?

Nú þegar á virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …