Samfélagsmiðlar

Fleiri farþegar en áður í febrúar

Á sama tíma og þeim fjölgar sem nýta sér ferðir Icelandair þá verður bekkurinn líka þéttsetnari. Sætanýtingin er þó lægri en hún var áður en vöxtur WOW hófst fyrir alvöru.

Það voru rúmlega 225 þúsund farþegar um borð í þotum Icelanair í febrúar. Svo margir hafa þeir ekki áður verið í þessum mánuði og skiptir þá engu að febrúar var deginum lengri að þessu sinni.

Um helmingur þeirra sem flugu með Icelandair í síðasta mánuði voru ferðamenn á leið til landsins. Sá hópur hefur farið stækkandi allar götur síðan WOW air fór í þrot í mars í fyrra. Á móti kemur að tengifarþegum hefur fækkað.

Það er í takt við aukna áherslu stjórnenda Icelandair á erlenda ferðamenn á kostnað þeirra sem eru á leið milli Evrópu og Norður-Ameríku.

Í nýbirtum farþegatölum Icelandair kemur fram að sætanýtingin í síðasta mánuði var 76 prósent. Það er ögn betra en í fyrra en þá var reyndar WOW air ennþá í loftinu og stóð félagið þá fyrir fjórðungi ferða til og frá landinu.

Núna er Icelandair með um sex af hverjum tíu brottförum frá Keflavíkurflugvelli sem er álíka og árunum 2015 og 2016. Þá var sætanýting Icelandair aðeins hærri en núna eða 78 og 79 prósent.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …