Samfélagsmiðlar

Grænt ljós á ríkisstuðning við flugfélög

Eftirlitsstofnun EFTA hefur ekki athugasemdir við áform norska stjórnvalda að styðja sérstaklega við fluggeirann þar í landi. Þar með gæti verið komið fordæmi fyrir íslensk stjórnvöld.

Það eru Norwegian og SAS sem munu fá stærstan hluta af þeirri upphæð sem norsk stjórnvöld hafa nú fengið leyfi til að veita til flugreksturs í landinu.

ESA, eftirlitstofnun EFTA, gefur samþykki sitt fyrir því að flugrekendur í Noregi frá stuðning frá hinu opinbera til að styrkja lausafjárstöðu sína vegna þess vanda sem útbreiðsla kórónaveirunnar hefur valdið. Þetta kemur fram í umsögn stofnunarinnar um áform norskra stjórnvalda að ábyrgjast lán upp á 6 milljarða norskra króna til flugrekenda þar í landi. Það jafngildir um 80 milljörðum íslenskra króna.

Helmingur þessarar upphæðar er ætlaður Norwegian en félagið verður þó að uppfylla ströng skilyrði um lækkun skulda og aukið eigið fé til að fá aðgang að stærstum hluta fjárhæðarinnar. Fjórðungur rennur svo til SAS en afgangurinn til minni flugfélaga, t.d. þeirra sem sinna innanlandsflugi.

Í tilkynningu sem birt var á vef ESA nú í morgun segir að eftirspurn eftir flugferðalögum í Noregi hafi dregist verulega saman í kjölfar aukinnar útbreiðslu kórónaveirunnar. Það hafi haft alvarlegar afleiðingar í för með sér fyrir flugrekendur þar í landi sem sjái nú fram á ört versnandi lausafjárstöðu. „Flugrekstur er mikilvægur hluti af innviðum Noregs og framlag greinarinnar til þjóðarbúsins er mikið,“ segir í umsögninni.

Segja má að þessi úrskurður EFTA hafi gildi hér á landi líka því eitt af hlutverkum ESA er að framfylgja þeim takmörkunum á ríkisaðstoð sem EES samningurinn setur norskum og íslenskum stjórnvöldum. Í ljósi aðstæðna í heiminum í dag heimilar ESA aftur á móti opinberan stuðning við flugrekstur samkvæmt þeirri leið sem Norðmenn ætla að fara.

Þess má geta að hvorki Norwegian né SAS eru umsvifamikil í annarri ferðaþjónstu en flugrekstri. Umsvif Icelandair teygja sig aftur á móti mun víðar og tvær af stærstu ferðaskrifstofum landsins, Iceland Travel og Vita, tilheyra samsteypunni. Þórunn Reynisdóttir, forstjóri Úrval-Útsýn, telur því ekki eðlilegt að mögulegur opinber stuðningur við flugrekstur Icelandair fari í að efla dótturfélög fyrirtæksins.

„Ef það kemur til þess að íslenska ríkið muni styðja við Icelandair með séraðgerðum þá verður samdægurs að skilja flugreksturinn frá þessum ferðaskrifstofum og setja Icelandair miklar skorður í sölu á pakkaferðum. Það yrði galið að ríkisstuðningur við Icelandair yrði nýttur til að styrkja dótturfélög flugfélagsins í samkeppni við fyrirtæki eins og okkar,“ sagði Þórunn í viðtali við Túrista í gær.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …