Samfélagsmiðlar

Samdrátturinn hjá Icelandair er meiri en nemur öllu Íslandsflugi Lufthansa

Það eitt að Icelandair fellir niður tvö prósent af ferðum sínum til Íslands jafnast á við umsvif tveggja af stærstu flugfélögum Evrópu á Keflavíkurflugvelli. Samtals dregst sætisframboð Icelandair saman um 14 til 16 þúsund sæti.

Það kemur fátt í veg fyrir að farþegum á Keflavíkurflugvelli fækki áfram nokkuð hratt.

Vegna útbreiðslu nýju kórónaveirunnar hefur eftirspurn eftir flugi minnkað til muna á heimsvísu. Flugfélög hafa því dregið úr framboði og frekari niðurskurður er boðaður vegna óvissunnar. Hjá Icelandair er ætlunin að aflýsa um áttatíu flugum í mars og apríl en það er um tvö prósent af flugáætlun félagsins þessa tvo mánuði samkvæmt því sem fram kemur í tilkynningu. „Áætlaðar flugferðir félagsins í mars og apríl eru rúmlega 3.500 samtals,“ segir þar jafnframt.

Þrátt fyrir að hlutfallið sé ekki ýkja hátt þá verður að horfa til þess að Icelandair er langumsvifamesta flugfélagið á Keflavíkurflugvelli. Í janúar stóð félagið fyrir rúmlega sex af hverjum tíu áætlunarferðum samkvæmt talningu Túrista. Og núverandi flugáætlun Keflavíkurflugvallar gerir ráð fyrir að Icelandair hafi samtals á boðstólum um 705 þúsund flugsæti til og frá landinu í þessum mánuði og þeim næsta.

Með því að aflýsa tvö prósent af ferðunum þá detta út að minnsta kosti um fjórtán þúsund flugsæti í mars og apríl. Þau gætu reyndar orðið allt að sextán þúsund ef félagið dregur töluvert úr notkun breiðþota á tímabilinu.

Þessi niðurskurður í flugáætlun Icelandair jafnast á við Íslandsflug tveggja stærstu flugfélag Evrópu. Þannig gerir núverandi flugáætlun British Airways ráð fyrir að sætaframboð í ferðum félagsins milli Íslands og London nemi um 18 þúsund sætum í mars og apríl. Þess tvo mánuði verða svo aðeins tæplega 13 þúsund sæti í boði í flugi Lufthansa hingað frá Frankfurt.

Það er þó ekki útilokað að þessi tvö stóru flugfélög geri breytingar á ferðum sínum til Íslands á næstunni. Þar hefur nefnilega verið boðaður samdráttur en stjórnendur evrópskra flugfélaga hafa beðið með að fella niður ferðir töluvert af ferðum yfir háannatímann vegna ótta við að missa notkunarrétt á afgreiðslutímum á flugvöllum.

Reglurnar gera nefnilega ráð fyrir aðflug félög verði að nota tímana í um áttatíu prósent tilvika. Annars verði þeim úthlutað til annarra. Á blaðamannafundi í Brussel í vikunni sagði forstjóri Lufthansa að það yrði að fást undanþága því annars gætu flugfélög neyðst til að fljúga tómum flugvélum. Hann ítrekaði þó að það yrði fáranleg aðgerð út frá umhverfissjónarmiðum.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …