Samfélagsmiðlar

Stefnt að sölu ferðaskrifstofa Arion í vikunni

Heimsferðir verða eina ferðaskrifstofan í eigu bankans ef viðskiptin ganga eftir.

Travelco Nordic er heiti eignarhaldsfélagsins heldur utan um hlut Arion banka í fimm norrænum ferðaskrifstofum. Nú er vonast til að nýr eigandi taki við rekstrinum.

Það var um mitt síðasta sumar sem Arion banki tók yfir þær sjö norrænu ferðaskrifstofur sem áður tilheyrðu Primera Travel samsteypu Andra Más Ingólfssonar. Þá var yfirlýst markmið bankans að koma fyrirtækjunum í hendur nýrra eigenda sem fyrst.

Rúmum átta mánuðum síðar hefur eingöngu tekist að selja Terra Nova sem sérhæfir sig aðallega í skipulagningu Íslandsferða. Kaupandinn var Nordic Visitors sem er sömuleiðis umsvifamikill ferðaskipuleggjandi hér á landi.

Nú eru aftur á móti bundnar vonir til þess að sá sem haft hefur forkaupsrétt á fimm ferðaskrifstofum Arion á hinum Norðulöndunum skrifi undir í vikunni. Þetta kom fram í viðtali dönsku ferðasíðunnar Standby við Peder Hornshøj, framkvæmdastjóra Travelco Nordic, fyrir helgi. En Travelco Nordic er heiti félagsins sem heldur utan um hlut Arion banka í ferðaskrifstofunum.

Það hefur þó margt gerst síðan á framkvæmdastjórinn lét þessi orð falla síðastliðinn föstudag. Útbreiðsla kórónaveirunnar hefur nefnilega aukist til muna með þeim afleiðingum að sala á utanlandsferðum hefur víða dregist saman eins og lesa má úr nýjum tilkynningum frá evrópskum flugfélögum.

Hvort að það dragi úr áhuga viðsemjanda Arion banka ætti að koma í ljós innan fárra sólarhringa. En eins og Túristi hefur áður greint frá þá mun það vera evrópski fjárfestingastjóðurinn Triton sem skoðar kaup á norrænu ferðaskrifstofunum fimm.

Ef þessi viðskipti ganga í gegn þá verða Heimsferðir eina ferðaskrifstofan sem Arion á eftir að koma í hendur nýrra eigenda. Heimsferðir hafa um árabil verið umsvifamesta ferðaskrifstofa landsins og sérstaklega í sölu sólarlandaferða.

Fyrir komandi sumar hefur íslenska ferðaskrifstofan gert samning við ítalska flugfélagið Neos um flutning á farþegum sínum á suðrænar slóðir. Að þessu sinni munu þó helstu keppinautarnir, Vita og Úrval-Útsýn, ekki ætla kaupa sæti í leiguflug Heimsferða til Spánar og Grikklands.

Þar með eykst framboð Heimsferða, leigutaka flugvélanna, til áfangastaða eins og Chania á Krít. Eins munu þoturnar sem fljúga til Verona í sumar aðeins vera skipaðar farþegum ferðaskrifstofunnar.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …