Samfélagsmiðlar

Telur að bókanir á flugmiðum taki fljótlega við sér

Forstjóri Ryanair gerir ráð fyrir að almenningur þreytist senn á umræðu um nýju kórónaveiruna og fari aftur að bóka farmiða.

Forstjórar nokkurra af stærstu flugfélögum Evrópu í morgun. Michael O´Leary lengst til vinstri og Benjamin Smith annar frá hægri.

Flugfélög víða um heim boða nú niðurskurð á sætaframboði og jafnvel uppsagnir vegna neikvæðra áhrifa kórónaveirunnar Covid-19 á ferðagleði fólks. Nú dregur ekki aðeins úr flugi til og frá Kína og nærliggjandi löndum heldur líka innan Evrópu og sérstaklega til Ítalíu.

Michael O´Leary, forstjóri Ryanair, stærsta lággjaldaflugfélags Evrópu, telur þó stutt í að ástandið verði eðlilegt á ný. Á fundi með blaðamönnum í Brussel í morgun sagði O´Leary reikna með samdrætti í fjölda farþega í mars og apríl og jafnvel maí. Sumarið yrði þó líklega á pari við það síðasta. „Heilbrigð skynsemi nær yfirtökum á endanum og fólk verður þreytt á umræðunni um kórónavírusinn á næstu tveimur til þremur vikum. Þá fer það að bóka flugmiða á ný,” fullyrti O´Leary.

Í dag eru forstjórar nokkurra af stærstu flugfélagum Evrópu komnir saman í Brussel á árlegum fundi hagsmunastamtakanna Airlines4Europe. Þar eru áhrif kórónaveirunnar á fluggeirann skiljanlega ofarlega á baugi og blaðamenn leita ítrekað eftir sýn forstjórana á krísunni sem fluggeirinn er í núna.

Þannig var Benjamin Smith, forstjóri AirFrance/KLM, spurður hvort hann  gerði ráð fyrir að núverandi staða kallaði á sameiningar flugfélaga í Evrópu. Smith taldi það óumflýjanlegt enda væru félögin misvel undir vandræðin búin. „Veik flugflugfélög munu eiga erfitt með að ráða úr stöðu dagsins,“ sagði Smith.

 

Nýtt efni

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …

Sjö af þeim níu þotum sem voru í flota Wow air undir það síðasta voru í eigu flugvélaleigunnar Air Lease Corporation (ALC). Ein þeirra var kyrrsett á Keflavíkurflugvelli í kjölfar gjaldþrots flugfélagsins þann 28. mars árið 2019 en í takt við samkomulag Wow Air og Isavia var ávallt ein þota félagsins eftir á Keflavíkurflugvelli sem …

Það styttist í að Strætó geti boðið farþegum upp á að greiða með bankakortum á snertilausan hátt í vögnum sínum. „Loksins!“ segja vafalaust margir óreglulegir notendur þjónustunnar, sem hafa pirrað sig á því hversu flókið og fráhrindandi greiðslukerfi Strætó er - að þurfa að hlaða niður Klapp-appinu (smáforriti), kaupa sérstaka passa með fyrirframgreiddum fargjöldum og …