Samfélagsmiðlar

Veruleg fækkun ferðamanna í kortunum

Það liggur fyrir að nýja kórónaveiran hefur gert út um fyrri spár um að fjöldi ferðamanna hér á landi standi í stað í ár.

Ferðamenn við Námaskarð.

Það komu rétt tæplega tvær milljónir ferðamanna til Íslands í fyrra eða rúmlega þrjú hundruð þúsund færri en metárið 2018. Og þrátt fyrir áframhaldandi kyrrsetningu Boeing MAX þotanna og aðeins minna sætisframboð þá gaf forstjóri Isavia það út um áramót að gera mætti ráð fyrir óbreyttum fjölda ferðamanna í ár.

Vegna útbreiðslu nýju kórónaveirunnar er ljóst að sú spá er ekki lengur raunhæf. Óvissan sem nú ríkir gerir það í raun varla mögulegt að leggja almennilegt mat mögulegan fjölda ferðamanna hér á landi í ár. En ef horft er til nýrrar greiningar á vegum IATA, alþjóðlegra samtaka flugfélaga, þá er þar að finna vísbendingar um þá niðursveiflu sem er í kortunum eins og staðan er í dag.

Í greiningu IATA er fækkun flugfarþega mismikil eftir löndum og heimsálfum, allt eftir því hversu útbreidd kórónaveiran er á viðkomandi svæði. Þegar þessar niðurstöður IATA eru heimfærðar upp á skiptingu ferðamanna á Íslandi efir þjóðernum þá er niðurstaðan sú að fjöldi ferðamanna fer að minnsta kosti niður í 1,8 milljón í ár. Það byggir á því að áhrif veirunnar verði skammvinn.

Ef ástandið varir í lengri tíma þá mætti gera ráð fyrir um 1,6 milljón erlendra ferðamanna. Það yrði um fimmtungi minna en í fyrra og nokkru undir því sem var árið 2016. Það má þó setja alls kyns fyrirvara við svona spár og forsendur gætu breyst til hins betra eða verra á næstu sólarhringum.

Þetta er ekki í fyrsta skipti sem staðið er frammi fyrir mögulegum samdrætti í íslenskra ferðaþjónustu. Á sama tíma í fyrra var gjaldþrot WOW air yfirvofandi og þá var ljóst að fækkunin yrði veruleg eins og kom á daginn. Í því tilfelli var þó einfaldara að spá í spilin enda ekki um heimsfaraldur að ræða.

Í ljósi þess hve íslensk ferðaþjónusta vegur þungt í þjóðarbúinu þá myndi fimmtungi færri túristar í ár hafa töluverð áhrif. Þá hefði hópur ferðamanna líka dregist saman um 700 þúsund á tveimur árum. Það er þó nokkru minni en sú niðursveifla sem Konráð Guðjónsson, hagfræðingur Viðskiptaráðs, teiknaði upp í úttekt Viðskiptablaðsins á sífellt veikari stöðu Icelandair og WOW air fyrir tveimur árum síðan. Þar velti hann því upp hvað myndi gerast ef fjöldi ferðamanna myndi fara úr 2,2 milljónum og niður í rúma milljón.

„Það verður að hafa það í huga að þó að ferðamönnum myndi fækka um helming og helmingssamdráttur yrði í flugi þá erum við enn þá með fleiri ferðamenn og meira flug en var árið 2014. Þá spyr maður sig, höfðum við það ekki bara ágætt 2014 og fannst okkur ekki nóg um 2014 þó að þetta yrði að sjálfsögðu mikið högg,“ sagði Konráð í Viðskiptablaðinu í mars 2018.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …