Samfélagsmiðlar

1400 starfsmönnum sænskra flugfélaga sagt upp í dag

Stærsta innanlandsflugfélag Svíþjóðar er komið í greiðslustöðvun og allir flugliðar Norwegian í Svíþjóð fá uppsagnarbréf.

Nú er óvíst með framtíð BRA en félagið er mjög umsvifamikið í innanlandsflugi í Svíþjóð.

Auk SAS og Norwegian þár er sænska flugfélagið BRA mjög umsvifamikið í innanlandsflugi þar í landi. Og öfugt við stóru félögin þá flýgur félagið til margra minni bæja á meðan stóru keppinautarnir einbeita sér aðallega að flugi til fjölmennustu svæðanna. Rekstur BRA hefur aftur á móti verið í járnum síðustu ár og í síðustu viku tilkynnti félagið að starfsemin yrði að mestu stöðvuð vegna áhrifa krónaveirunnar.

Í morgun gengu stjórnendur félagsins svo skrefinu lengri og sóttu um greiðslustöðvun svo hægt væri að endurskipuleggja reksturinn. Öll sala flugmiða með BRA hefur verið stöðvuð.

Sænska ríkið hét stuðningi við flugreksturinn í landinu fyrir þremur vikum síðar í formi lánaábyrgða. Þau úrræði hefðu þó ólíklega gagnast BRA að sögn framkvæmdastjórans Geir Stormorken. Í viðtali við Dagens Industri segir hann að beinn fjárhagslegur stuðningur við félagið auk þess að losna tímabundið við allan launakostnað hefði komið félaginu betur. Stormorken segir ekki hægt að reikna með að eigandi félagsins, Normaðurinn Per G Braathen, setji aukið fé í félagið núna þegar óvissan er algjör.

Það voru ekki aðeins um sex hundruð starfsmenn BRA sem fengu uppsagnarbréf í dag því Norwegian í Svíþjóð sagði upp öllum áhöfnum sínum þar í landi í dag, samtals 800 manns.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …