Samfélagsmiðlar

Aðeins hið opinbera getur endurræst flugfélag

Það dugar ekki að lofa flugfélögum eins og SAS ríkisábyrgðum á lánum heldur verði líka að auka hlutafé. Og það hafi einkafjárfestar varla bolmagn í að mati stjórnarmanns í flugfélaginu sem kallar eftir auknu fé frá stærstu eigendunum, sænska og danska ríkinu.

Þota SAS við Arlanda flugvöll í Stokkhólmi.

Bæði stjórnendur Icelandair og SAS gripu til þess í gær að segja upp um helmingi starfsmanna í ljósi þess að nú liggja flugsamgöngur nærri algjörlega niðri og tekjurnar nánast engar. Staða SAS eins og fleiri flugfélaga er því grafalvarleg þrátt fyrir að ríkisstjórnir Danmerkur og Svíþjóðar hafi strax í mars gefið út loforð um að ábyrgjast lán til félagsins sem upp á rúmlega fjörutíu milljarða íslenskra króna. Til viðbótar ætlar norska ríkið líka að ábyrgjast lán til félagsins.

Þessi ríkislán duga þó ekki ein og sér að að mati Jacob Wallenberg sem situr í stjórn SAS fyrir hönd Wallenberg ættarinnar en hún er stærsti fjárfestirinn í flugfélaginu á eftir sænska og danska ríkinu. Wallenberg skorar því á ráðamenn í Svíþjóð og Danmörku að setja aukið hlutafé í flugreksturinn og segir að aðrir hluthafar muni líka reyna að leggja sitt að mörkum.

Hann fullyrðir þó að við aðstæður eins og ríkjandi eru í dag þá hafi einkafjárfestar ekki burði í að endurræsa flugfélög. Það verkefni sé aðeins á færi hins opinbera. Vísar Wallenberg jafnframt til þess að flugfélög eins og SAS séu mikilvæg fyrir samgöngur og þar með útflutningsgreinar landanna.

Í tengslum við uppsagnir gærdagsins kom það fram í viðtölum við Rickard Gustafson, forstjóra SAS, að ennþá hefðu fyrrnefndar lánaábyrgðir ríkissjóða ekki verið gefnar út og það væri þörf á því að bæta úr því sem fyrst. Þess má geta að forstjórinn mat lausafjárstöðu SAS sterka í upphafi kórónaverukrísunnar en síðan þá hefur staðan skiljanlega versnað til muna.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …